پاکستان : قومی ائیر لائن سے سفر کرنے والے مسافروں کا شدید مشکل کا سامنا ، قومی ائیر لائن میں سفر کرنے والے افراد کی مشکلات میں مزید اضافہ ہو گیا ۔

فنی خرابی کے باعث فلائٹ پی کے 760 کے ذریعے جدہ سے لاہور آنے والے 406 مسافر 3 روز سے جدہ میں ہی پھنس گئے ، جدہ میں تین روزہ قیام کے باعث مسافروں کو شدید مشکلات کا سامنا کر نا پڑ رہا ہے ۔

مسافروں کا کہنا ہے کہ قومی ائیر لائن کا عملہ کوئی تعاون نہیں کر رہا اور نہ ہی کسی تسلی بخش جواب کے ذریعے مسافروں کو مطمئن کررہا ہے ۔

قومی ائیر لائن سے سفر کرنے والے مسافروں کی مشکلات کم نہ ہو سکیں#GNN #NewsUpdates #BreakingNews #GNN_Updates pic.twitter.com/bWwwBDY5Qq

— GNN (@gnnhdofficial) September 30, 2023

قومی ائیر لائن کے عملے کی جانب سے یہی بتایا جا رہا ہے کہ فلائٹ میں فنی خرابی ہے جیسے ہی ٹھیک ہوگی تو فلائٹ لاہور کی جانب اڑان بھرے گی ، لیکن ابھی تک فلائٹ کو لاہور پہنچانے کے لیے کوئی بھی اقدام نظر نہیں آ رہا ہے ۔

شہریوں کا کہنا ہے کہ 10 روزہ چھٹی پر وطن پاکستان روانہ ہورہے تھے جبکہ 3 روز سفر میں ہی گزر چکے ہیں اور فلائٹ کے روانہ ہونے کے کوئی آثار نظر نہیں آ رہے ۔

اسلام آباد : سپریم کورٹ میں پریکٹس اینڈ پروسیجر بل کے خلاف نئی درخواست دائر کردی گئی ، شہری کی جانب سے آئینی درخواست دائر کی گئ ہے جس میں پریکٹس اینڈ پروسیجر بل کو کالعد م قرار دینے کی درخواست دائر کی گئی ہے ۔

سپریم کورٹ میں پریکٹس اینڈ پروسجر ایکٹ کیخلاف نئی درخواست دائر#GNN #NewsUpdates #BreakingNews #GNN_Updates pic.twitter.com/Jee5GVQWXg

— GNN (@gnnhdofficial) September 30, 2023

درخواست گزار کی جانب سے دائر کی گئی درخواست میں لکھا گیا ہے کہ پریکٹس اینڈ پروسیجر ایکٹ غیر آئینی ہے اسے کالعدم قرار دیا جائے ۔

پریکٹس اینڈ پروسیجر ایکٹ بنیادی حقوق کے آرٹیکل کے منافی ہے اس کو لازمی کالعدم ہونا چاہیے ۔

اسلا م آباد : پاکستانی شائقین اور صحافیوں بھارت جا کر ورلڈ کپ 2023 کے میچز دیکھنے کے منتظر ہیں تاہم ابھی تک بھارت  کی جانب سے ویزے جاری نہیں کیے گئے۔

یاد رہے کہ بھارت نے سیکیورٹی ایشوز کو بنیا د بنا کر پاکستانی اسکواڈ کو بھی ویزے دینے میں خاصی تاخیر کی تھی جس کے باعث پاکستانی ٹیم کو کافی مشکلات کا سامنا کرنا پڑا تھا ۔

ذرائع کے مطابق پاکستان کرکٹ بورڈ (پی سی بی) نے اس معاملے پر آئی سی سی کو خظ لکھ دیا ہے جس میں بھارت کی ویزا پالیسی پر ایکشن لینے کا مطالبہ کیا گیا ہے۔

بھارت کی جانب سے پاکستانی صحافیوں اور شائقین کو ویزے نہ ملنے پر پی سی بی نے آئی سی سی کو خط لکھ دیا#GNN #NewsUpdates #BreakingNews #GNN_Updates pic.twitter.com/CFjUim6Pha

— GNN (@gnnhdofficial) September 30, 2023

خط میں کہا گیا ہےکہ  تین سال سے اسی ایشو کے حوالے سے بار  بار کہا گیا، پاکستان کے تحفظات پر کسی قسم کا دھیان نہیں دیا گیا، آج صورت حال یہ ہےکہ پاکستانی صحافیوں اور شائقین کو بھی ویزے جاری نہیں کیےجا رہے ۔