سری لنکا اور افغانستان کےدرمیان تیسرا ون ڈے میچ 7 جون کو کھیلا جائے گا

سری لنکا اور افغانستان کی کرکٹ ٹیموں کے درمیان تین میچوں پر مشتمل ون ڈے سیریز کا تیسرا اور فیصلہ کن میچ 7 جون کو ہمبنٹوٹا میں کھیلا جائے گا۔ دونوں ٹیموں کے درمیان تین میچوں کی سیریز 1-1 سے برابر ہے۔

افغانستان ٹیم نے پہلے میچ میں میزبان سری لنکا کو 6 وکٹوں سے شکست دی تھی، تاہم دوسرے میچ میں سری لنکن ٹیم نے کم بیک کرتے ہوئے افغانستان کی ٹیم کو نہ صرف 132 رنز سے شکست دی بلکہ سیریز بھی 1-1 سے برابر کر دی ۔

سیریز کا تیسرا میچ کانٹے دار ہوگا کیونکہ یہ میچ فیصلہ کن ہوگا جو 7 جون کو اسی مقام پر کھیلا جائے گا ۔سری لنکا کوداسن شاناکا لیڈ کر رہے ہیں جبکہ افغانستان کی ٹیم حشمت اللہ شہیدی کی قیادت میں میدان میں اترے گی