سلطان اذلان شاہ ہاکی ٹورنامنٹ کا فائنل آج پاکستان اور جاپان کے درمیان شام 5:30 بجے کھیلا جائے گا۔

ملائیشیا کے شہر ایپوہ میں 30ویں سلطان اذلان شاہ ہاکی ٹورنامنٹ میں پاکستان اور جاپان کی ٹیمیں مدمقابل ہوں گی۔

پاکستان نے ایونٹ میں پانچ میچ کھیلے ہیں جن میں سے تین میں کامیابی حاصل کی ہے۔

پاکستان نے ملائیشیا، جنوبی کوریا اور کینیڈا کو شکست دی جبکہ جاپان اور نیوزی لینڈ کا میچ ایک ایک گول سے برابر رہا۔

دوسری جانب گزشتہ روز پریس کانفرنس کرتے ہوئے وفاقی وزیر اطلاعات عطا اللہ تارڑ اور چیئرمین پرائم منسٹر یوتھ پروگرام رانا مشہود احمد نے کہا کہ اذلان شاہ کپ کا فائنل پورے پاکستان میں براہ راست نشر کیا جائے گا۔

واضح رہے کہ 4 سے 11 مئی تک جاری رہنے والے سلطان اذلان شاہ ہاکی ٹورنامنٹ میں میزبان ملائیشیا، پاکستان، کینیڈا، جاپان، نیوزی لینڈ اور جنوبی کوریا کی ٹیمیں شرکت کر رہی ہیں۔

پاکستان اس ٹورنامنٹ میں ناقابل شکست ہے اور فائنل میں پہنچ گیا ہے۔ اس سے قبل 29ویں اذلان شاہ ہاکی ٹورنامنٹ میں پاکستان نے کانسی کا تمغہ جیتا تھا۔

اقوام متحدہ کے بین الاقوامی ادارہ برائے مہاجرت نے غیرملکی میڈیا کو بتایا کہ جمعہ کے روز ہونے والی شدید بارشوں سے بڑے پیمانے پر سیلاب آنے سے صوبہ بغلان میں 200 سے زائد افراد ہلاک اور ہزاروں مکانات تباہ یا تباہ ہو گئے۔

افغانستان نیشنل ڈیزاسٹر مینجمنٹ اتھارٹی کے اعداد و شمار کا حوالہ دیتے ہوئےبتایا  صرف صوبہ بغلان 1500 تک گھروں کو نقصان پہنچا یا تباہ ہوا اور100 سے زیادہ لوگ ہلاک ہوئے۔

طالبان کے سرکاری حکام نے بتایا کہ جمعہ کی رات تک 62 افراد ہلاک ہو چکے ہیں۔

ترجمان ذبیح اللہ مجاہد نے ہفتے کے روز پہلے ٹویٹر پر ایک بیان میں مرنے والوں اور زخمیوں کی تعداد بارے کہا کہ ہمارے سیکڑوں ساتھی شہری ان تباہ کن سیلابوں سے لقمہ اجل بن گئے۔

افغانستان کے متعدد صوبوں میں شدید سیلاب آیا، شمالی صوبہ تخار میں حکام نے ہفتے کے روز 20 افراد کی ہلاکت کی اطلاع دی۔

حکام نے بتایا کہ جمعہ کو ہونے والی بارشوں نے شمال مشرقی صوبہ بدخشاں، وسطی صوبہ غور اور مغربی ہرات میں بھی بھاری نقصان پہنچایا۔

افغان وزارت دفاع نے کہا کہ ایمرجنسی اہلکاروں کو متاثرہ علاقوں میں تعینات کر دیا گیا ہے اور وہ زخمیوں اور پھنسے ہوئے لوگوں کو بچانے کے لیے بھاگ رہے ہیں۔

افغانستان جس میں نسبتاً خشک موسم سرما تھا، جس کی وجہ سے مٹی کے لیے بارش کو جذب کرنا زیادہ مشکل ہو گیا تھا، موسمیاتی تبدیلیوں کے لیے انتہائی خطرے سے دوچار ہے۔

چار دہائیوں کی جنگ سے تباہ ہونے والی قوم دنیا کی غریب ترین قوموں میں سے ایک ہے اور سائنسدانوں کے مطابق گلوبل وارمنگ کے نتائج کا سامنا کرنے کے لیے سب سے زیادہ تیار ہے۔

صدر مملکت آصف علی زرداری نے آزاد کشمیر معاملے کا نوٹس لیتے ہوئے آج ہنگامی اجلاس طلب کر لیا۔

ذرائع کا کہنا ہےکہ صدر مملکت نے تمام اسٹیک ہولڈرز کو معاملے کے حل کے لیے تجاویز لانے کی ہدایت کی ہے۔

آزاد کشمیر کے وزرا اور پارٹی عہدیدار معاملے پر صدر مملکت کو بریفنگ دیں گے ،آزاد کشمیر احتجاج اور مطالبات سے صدر مملکت کو آگاہ کریں گے۔

ذرائع کاکہنا ہے کہ صدر مملکت نے پارلیمانی پارٹی پیپلز پارٹی بھی آج طلب کر لیاہے ،پیپلز پارٹی کشمیر کے وزراءاور پارٹی عہدیدار آجکے اجلاس میں شرکت کریں گے ۔

یاد رہے کہ گزشتہ روز 10 مئی سے آزاد کشمیر میں سستی بجلی اور سستے آٹے کی فراہمی کے لیے احتجاج اور ہڑتال جاری ہے۔ہڑتال اور احتجاج کے آج تیسرے روز آزاد کشمیر بھر میں تمام کاروباری مراکز، دفاتر اور تعلیمی ادارے بند ہیں۔

 آزاد جموں و کشمیر میں مہنگی بجلی کیخلاف ہونے والا احتجاج شدت اختیار کر گیا ہے، احتجاج کے دوران پولیس اور مظاہرین کے درمیان متعدد مقامات پر جھڑپیں ہوئیں اور فائرنگ سے سب انسپکٹر شہید اور 3 اہلکار زخمی ہو گئے تھے۔پولیس نے آنسوگیس کی شیلنگ کی تھی۔

مظاہرین نے مہنگی بجلی نہ منظور، مہنگا آٹا نہ منظور کے نعرے لگائے، ضلعی انتظامیہ نے میر پور میں دفعہ 144 نافذ کررکھی ہے۔

مظاہرین کے ساتھ تصادم کےدوران گولی لگنے سے زخمی اے ایس آئی جاں بحق ہوگئے تھے۔

پولیس نے 100 کے قریب مظاہرین کو گرفتار کر لیا، جھڑپ کے دوران نوجوان دریائے نیلم میں گر گیا جس کی تلاش جاری ہے۔

عوامی ایکشن کمیٹی کی جانب سے مہنگائی اور ٹیکسز کے خلاف میرپور سے مظفرآباد تک لانگ مارچ کا اعلان کیا گیا ہے۔