ڈاکٹر عامر لیاقت کو اپنے مداحوں سے بچھڑے ایک سال بیت گیا

سابق رکن قومی اسمبی اور ٹی وی چینلز پر رمضان ٹرانسمیشن سے شہرت پانے والے ڈاکٹر عامر لیاقت کو اپنے مداحوں سے بچھڑے ایک سال بیت گیا۔

5 جولائی 1972 کو کراچی میں پیدا ہونے والے عامرلیاقت حسین مذہبی اسکالر کے ساتھ ایک سیاستدان بھی تھے۔ انھوں نے سیاسی سفر متحدہ قومی موومنٹ کے پلیٹ فارم سے شروع کیا، اسی پلیٹ فارم سے ایم این اے منتخب ہوئے۔

ایم کیو ایم سے اختلافات کے باعث عامر لیاقت پی ٹی آئی میں شامل ہوئے اور ان کو چیئرمین تحریک انصاف کا ساتھ ملا، انہوں نے کپتان کو ہی اپنا قائد چن لیا لیکن بعد میں اختلافات پیدا ہوئے اور عامر لیاقت پی ٹی آئی سربراہ کیخلاف تحریک عدم اعتماد میں منحرف ارکان میں شامل رہے۔ آخری وقت تک عامر لیاقت نے کوئی پارٹی تو جوائن نہیں کی لیکن وہ پی ٹی آئی کے منحرف ارکان میں شامل رہے۔

عامر لیاقت نے ٹی وی چینلز پر رمضان ٹرانسمیشن کا ایک ایسا سلسلہ شروع کیا جو انتہائی مقبول رہا، دیکھتے ہی دیکھتے وہ شہرت کی بلندیوں پر پہنچے۔اپنی گفتگو کی چاشنی سے کانوں میں رس گھولنے والےعامر لیاقت ازدواجی زندگی کو مہکانے میں ناکام رہے، انہوں نے 3 شادیاں کیں۔ سب سے زیادہ عرصہ پہلی شادی چلی، 2020 میں پہلی اہلیہ سے علیحدگی ہوئی، اس کے بعد دوسری اہلیہ نے 9 فروری 2022 کو ساتھ چھوڑ دیا جبکہ تیسری شادی دانیا شاہ سے ہوئی جو تین ماہ بھی نہ چل سکی۔

ڈاکٹرعامر لیاقت کو 9 جون 2022 کو تشویش ناک حالت میں اسپتال لایا گیا جہاں وہ انتقال کرگئے، عامر لیاقت اپنی موت سے کچھ عرصلہ پہلے نجی زندگی میں شدید مسائل سے دوچار تھے