صدارتی انتخابات سے قبل ایرانی وزیر خارجہ کا انٹرویو لیک

غیر ملکی خبر رساں ادارے کے مطابق   ایران میں جون میں صدارتی انتخابات سے قبل ایرانی وزیرخارجہ جواد ظریف کا انٹرویو لیک ہوگیا ہے۔ انٹرویو میں ایرانی وزیرخارجہ نے سیاسی تدابیر پر کھُل کر بات کی ہے۔

ایرانی وزیرخارجہ جواد ظریف کا کہنا ہے کہ  پاسدارانِ انقلاب کے آپریشن کبھی بھی جمہوریت کو راستہ دینے کیلئے نہیں ہوئے،  کئی مقامات پر فوجی آپریشنز کی راہ ہموار کرنے کیلئے جمہوریت کی قربانی دی گئی۔

ایرانی وزیرخارجہ نے کہا کہ  شام میں ایرانی فوج لانے کیلئے روسی صدر ولادیمیر پیوٹن نے پاسدارانِ انقلاب کے سربراہ کو راضی کیا،شام میں ایرانی فوج کی تعداد چھ گنا بڑھائی گئی،ٹرانسپورٹ منسٹر کو بھی اس کی اطلاع نہیں تھی۔

جواد ظریف کہنا ہے کہ   ہمارے مغربی ممالک سے تعلقات استوار ہونےسے روس کو کوئی فائدہ نہیں ہے، ایرانی وزیرخارجہ نے یوکرئن طیارہ حادثے پر بھی بات کی،  یوکرئن طیارہ تباہ ہونے کے فوری بعد ایرانی سکیورٹی اور فوجی افسران کو معلوم تھا کہ طیارہ ایرانی میزائل سے تباہ ہوا،  مجھے طیارہ ایرانی میزائل سے تباہ ہونے کی خبر کی تردید کرنے کو کہاگیا۔

ایرانی وزیر خارجہ  جواد ظریف نے انٹرویو میں کہا ہے کہ  عراق کو امریکی فوجی اڈوں پر حملوں کیا اطلاع پہلے ہی دیدی گئی تھی،سپاہ قدس کے دو آپریٹیوز نے میزائل حملے سے متعلق عراق کو 45منٹ پہلے خبردیدی،ایرانی وزیرخارجہ کو دو گھنٹے بعد بتایاگیا۔

غیر ملکی خبر رساں ادارے کے مطابق  ایرانی وزیرخارجہ نے یہ انٹرویومارچ میں ایرانی صحافی سعید لیلاز کو دیا، تین گھنٹےکادھماکہ خیز  انٹرویوایران سے باہر فارسی زبان میں کام کرنیوالے ایک میڈیا ہاؤس نے جاری کیا۔

ایرانی وزارت خارجہ کا کہنا ہے کہ  انٹرویوتاریخ کے پروجیکٹ کا حصہ تھا،پورا انٹرویو7گھنٹے کا ہے، جس میں دوسرے وزراء کے بھی انٹرویو شامل ہیں،شہری انٹرویو پر غور کرتے احتیاطر برتیں ،یہ ممکنہ طور پر سیاسی مقصد کیلئے لیک کیاگیاہے۔