بھارتی صحافی نے کورونا میں مبتلا فیملی کیلئے داتا دربار دعا کرنے کی اپیل کردی

سماجی رابطے کی ویب سائٹ ٹوئٹر پر آشش سنگھ نے کہا کہ  کیا کوئی  جنوبی ایشیاء کے سب سے بڑے صوفی دربار میں سے ایک  لاہور کے داتا دربار میں کورونا سے متاثرہ میرے خاندان  کے لئے دعا کرسکتا ہے۔کیا میرے دوستوں میں سے کوئی بھی براہ کرم داتا دربار پر حاضری دے سکتا ہے، میری اہلیہ شوچیکا ، میرے اور میرے دوست کیلئے جو کویڈ میں مبتلا ہیں ۔ انہوں نے  پاکستان کے چند صحافیوں کو ٹیگ بھی کیا اور کہا کہ کسی سے جواب ملنے کے بعد وہ نام بھی شیئر کریں  گے۔

Can anyone of my friends please pay an obeisance at Data Darbaar Today for my wife Shuchika,myself and my friends suffering from Covid please @AmbreenFatimaAA @ghulamabbasshah @irzakhaan @omar_quraishi Shall be very grateful ?? I shall send the names once you please respond ?

— Ashish K Singh (ABP News) (@AshishSinghLIVE) April 26, 2021

لاہور میں واقع   داتا دربار علی ہجویری کی رہائش گاہ  پر تعمیر کیا گیا تھا ، جسے عام طور پر داتا گنج بخش کہا جاتا ہے۔ یہ سائٹ ہر سال ایک ملین سے زیادہ زائرین کو راغب کرتی ہے۔

ہندوستان کی موجودہ کوویڈ لہر نے خوفناک رخ اختیار کرلیا ہے ،یہ نئے وائرس کی ایسی قسم ہے جس میں ڈبل میوٹیشن ہے۔ اس ہفتے کے شروع میں   بھارت نے برازیل کو کورونا کیسز  میں  پیچھے چھوڑ دیا ،جس کےبعد انڈیا  دنیا میں دوسرے نمبر پر ہے۔

ماہرین نے  تشویش کا اظہار کیا ہے کہ  ہندوستان میں امریکہ یا برازیل کے مقابلے میں ممکنہ طور پر کیسوں کی تعداد زیادہ ہے۔ پچھلے 24 گھنٹوں کے دوران ملک میں لگ بھگ 3.52 لاکھ کیسز  رپورٹ ہوئے ہیں  لیکن  حقیقی تعداد اس سے کہیں زیادہ ہوسکتی ہے ،ملک بھر میں شمشان گھاٹ  اور قبرستان  میں جگہ ختم ہورہی ہے۔