پنجاب بھر کے سکولوں کو عید تک بند رکھنے کا فیصلہ

تفصیلات کے مطابق   پنجاب کے تمام اضلاع کے سرکاری و نجی سکول عید الفطر تک بند رکھنے کا فیصلہ کیا گیا ہے۔اس حوالے سے  محکمہ سکول ایجوکیشن نے مراسلہ جاری کر دیا  ہے۔

محکمہ سکول ایجوکیشن کیجانب سے جاری مراسلے میں کہا گیا ہےکہ تمام اضلاع کے سرکاری و نجی سکول 29 اپریل سے عید الفطر تک بند رہیں گے ،سرکاری و نجی سکول کورونا کے بڑھتے کیسز کی وجہ سے بند کرنے کا فیصلہ کیا گیا ہے ۔

ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید142افراد چل بسے ۔ ملک میں  اموات کی مجموعی تعداد 17 ہزار329ہوگئی ہے،جبکہ  متاثرہ افراد کی مجموعی تعداد 8 لاکھ 04ہزار 939ہو گئی ہے ۔ملک میں فعال میریضوں کی تعداد87ہزار 794 ہے ۔

پنجاب

پنجاب میں کورونا مریضوں کی تعداد 2لاکھ93ہزار 468ہوگئی ۔ جبکہ صوبے میں اب تک 8ہزار 097افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 79ہزار 272ہو گئی جبکہ صوبے میں اب تک 4 ہزار 605 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 14ہزار661ہوچکی ہے ۔ صوبے میں 3156افراد چل بسے۔

بلوچستان

بلوچستان میں کورونا وائرس کے اب تک 21ہزار803کیسز رپورٹ ہوئے ہیں جبکہ صوبے میں 232مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد73 ہزار804جبکہ اموات کی تعداد670تک جاپہنچی ۔

گلگت بلتستان

گلگت بلتستان میں اب تک 5 ہزار 272افراد کورونا کا شکار ہوئے ہیں جبکہ 105افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد 16 ہزار659ہوچکی ہے جبکہ 464افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  5770فرادکوروناوائرس کوشکست دےچکے ہیں۔ ملک بھر میں اب تک 6لاکھ 99 ہزار816مریض کورونا کو شکست دے چکے ہیں ۔