کورونا کی شدت میں اضافہ ، حساس شہروں میں دوہفتوں کیلئے لاک ڈاؤن کاامکان

تفصیلات کے مطابق  ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔  نیشنل کمانڈ اینڈ آپریشن سینٹر   کی جانب س ارسال مراسلے میں کہا گیا ہے کہ زیادہ کورونا کیسز والے اضلاع اور شہروں میں لاک ڈاؤن کا عبوری منصوبہ ہے۔ دو ہفتوں کا لاک ڈاؤن 2 یا 3 مئی سے نافذالعمل ہوگا ۔

اسلام آباد، راولپنڈی، لاہور، ملتان، فیصل آباد ، بہاولپور ، گوجرنوالہ میں دو ہفتوں کا لاک ڈاؤن  لگایا جائے گا ۔ جبکہ حیدرآباد، لوئردیر، مردان، نوشہرہ، مالاکنڈ، چارسدہ، سوات، صوابی  لاک ڈاؤن کے حوالے سے حساس شہروں کی لسٹ میں شامل ہے ۔ مراسلے میں مظفرآباد، سدھنوتی، پونچھ اور باغ میں بھی لاک ڈاؤن لگانے پر مشاورت کی گئی۔ متعلقہ شہروں میں کورونا پھیلاؤ روکنے کے لیے مناسب اقدامات کو یقینی بنانے کی ہدایت کی گئی ہے۔

واضح رہے کہ ملک بھر میں کورونا کی تیسری لہر شدت اختیار کرچکی ہے ، ملک میں وبا سے پہلی بار 201 افراد انتقال کر گئے جبکہ 5292 نئے کیسز بھی رپورٹ ہوئے ہیں۔  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں  اموات کی مجموعی تعداد 17 ہزار530ہوگئی ہے،جبکہ  متاثرہ افراد کی مجموعی تعداد 8 لاکھ 10ہزار 231ہو گئی ہے ۔