بھارت میں ایک روز میں 4لاکھ سے زائد کورونا کیسزسامنے آگئے

تفصیلات کے مطابق بھارت میں مہلک کورونا وائرس نے قیامت ڈھا دی ہے ایک روز میں 4لاکھ سے زائد کورونا کیسزسامنے آنے کا نیاعالمی ریکارڈ بن گیا۔ملک میں  کورونا سے ہلاکتوں کی مجموعی تعداد2لاکھ11ہزار سے تجاوز کرگئی۔کورونا سےمرنیوالوں میں تقریباً 100صحافی بھی شامل ہیں۔

بھارت میں کوروناکا قہر جاری ہے۔دہلی کے ایک اسپتال میں آکسیجن تقریباً ختم ہوگئی ہے۔ گجرات کے نجی اسپتال میں 22مریضوں کا  آکسیجن سلنڈر ختم ہوگیا،جبکہ گجرات میں ہی  کورونا کے ایک اسپتال میں آتشزدگی  سے 18افراد ہلاک ہوگئے۔

گووا کے اسپتال میں بستر ختم ہوگئے ہیں ۔ دہلی کی ایک  مسجد کوقرنطینہ سینٹر میں تبدیل کردیاگیا ۔

بھارتی شہرپونے میں 18ماہ کا بچہ ماں کی لاش کے پاس 2 دن تک بھوکا بیٹھا رہا۔شہریوں نے کورونا کے خوف سےبچے کو بھی نہ اٹھایا۔

کورونا سے متعلق ناقص پالیسیوں کےباعث بھارتی اور غیرملکی ماہرین کی مودی سرکار پر کڑی تنقید کی جارہی ہے۔امریکی سائنسدان  ڈاکٹر فاؤچی نے ملک میں فوری لاک ڈاون لگانے کا مشورہ دے دیا۔

دوسری جانب کورونا کی  بدترین صورتحال کے سبب امریکہ نے بھارت پر سفری پابندیاں لگادیں ہیں ۔آسٹریلیا نےبھارت میں موجوداپنے شہریوں کی  بھی ملک واپسی کو عارضی طورپر غیرقانونی قراردیدیا۔خلاف ورزی کرنیوالوں کو جیل یا بھاری جرمانے کا سامنا کرنا پڑسکتاہے۔