الیکشن کمیشن نے واضح کر دیا ہے کہ نگران حکومت کا کام صرف الیکشن کروانا ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ الیکشن کمیشن نے واضح کر دیا ہے کہ نگران حکومت کا کام صرف الیکشن کروانا ہے ٹرانسفر پوسٹنگ اور سارے ترقیاتی کام الیکشن کمیشن کی اجازت کے بغیر نہیں ہو سکیں گے لیکن الیکشن کرانے کی تاریخ کیا ہے اس کا فیصلہ بھی الیکشن کمیشن نے کرنا ہے۔

اپنے ٹویٹ میں شیخ رشید کا کہنا تھا کہ فیصلے پر فیصلے کا ہفتہ ہے جمعے کو نیب ترمیم کا اہم فیصلہ بھی سپریم کورٹ سے متوقع ہے اور جمعہ کے روز سپریم کورٹ کا جو بھی فیصلہ ہوتا ہے وہ اہم ترین ہوتا ہے  وفاقی نگران کابینہ کی تشکیل کا فیصلہ بھی اسی ہفتے متوقع ہے صدر مملکت نے سینٹ سے منظور شدہ 13 ترمیمی بل اسے ہفتے واپس بھیج دیئے مہنگائی کی چکی میں غریب نے مزید اسی ہفتے پسنا ہے ڈیزل 20 روپے لیٹربڑھنا اور ڈالر 302 کا ہونا ہے بجلی اور گیس مزید بڑھنی ہے

فیصلے پر فیصلے کا ہفتہ ہے جمعے کو نیب ترمیم کا اہم فیصلہ بھی سپریم کورٹ سے متوقع ہے اور جمعے کے روز سپریم کورٹ کا جو بھی فیصلہ ہوتا ہے وہ اہم ترین ہوتا ہے وفاقی نگران کابینہ کی تشکیل کا فیصلہ بھی اسی ہفتے متوقع ہے صدر مملکت نے سینٹ سے منظور شدہ 13 ترمیمی بل اسے ہفتے واپس بھیج…

— Sheikh Rashid Ahmed (@ShkhRasheed) August 16, 2023

انہوں نے مزید کہا کہ الیکشن کمیشن نے بھی مردم شماری کے تحت حلقہ بندیوں کا پالیسی بیان اسی ہفتے دینا ہے صوبائی نگران حکومتیں بھی اسی ہفتے وجود میں آنی ہیں پی ڈی ایم کے بعض لیڈر نگران وزیراعظم کے نام پر اب باتیں کر رہے ہیں پہلے خود ہی فیصلے کا سارا اختیار شہباز شریف کو دیا اور شہباز شریف نے یہ اعلان راجہ ریاض کے ذریعےہی کروانا مناسب سمجھا۔ زیرورسک اور آنکھ کا تارہ ہونا اہم ضرور ہیں لیکن آخری فیصلہ عوام کا ہی ہوگا انگوٹھا کاٹنا ہے یا انگوٹھا لگوانا ہے لیکن راج کرے گی خلق خدا