سابق آسٹریلوی کرکٹر اسٹیورٹ میک گل کا اغوا برائے تاوان

غیر ملکی میڈیا رپورٹس کے مطابق یہ واقعہ 14 اپریل کو سڈنی کے نواح میں پیش آیا جب سابق لیگ اسپنر اسٹیورٹ مک گل کو  اغوا کاروں نے  ایک انٹرسیکشن پر روکا اور گاڑی میں ڈال کر ساتھ لے گئے۔ پولیس کے مطابق اغوا کار انہیں شہر سے باہر ایک جگہ لے گئے جہاں سابق کرکٹر کو تشدد کا نشانہ بنایا گیا اور  دھمکیاں دی گئیں اور پھر ایک گھنٹے بعد چھوڑ دیا گیا۔

پولیس حکام کا کہنا ہے کہ واقعے کی تحقیقات کے بعد سڈنی میں  4 مسلح افراد کو گرفتار کیا گیا جن کی عمریں 27 سے 46 سال کے درمیان ہیں۔پولیس کا کہنا ہے کہ ایسا معلوم ہوتا ہے کہ اسٹیورٹ مک گل کو تاوان کے لیے اغوا کیا گیا  اگرچہ واقعے کی تحقیقات شروع کر دی ہیں۔

سابق آسٹریلوی کرکٹر کی جانب سے اس واقعے سے متعلق  تاحال کو ئی بیان سامنےنہیں آیا ہے ۔

واضح رہے کہ اسٹیورٹ مک گل کا شمار آسٹریلیا کے بہترین لیگ اسپنرز میں ہوتا ہے،  میک گل نے 1998 سے 2008 کے درمیان آسٹریلیا کی نمائندگی کی، اسٹیورٹ میکگل نے 44 ٹیسٹ اور تین ون ڈے انٹرنیشنل کھیلے۔انہوں نے  44  میچوں میں 208 وکٹیں حاصل کیں ۔