واٹس ایپ ویب نے اسکرین لاک فیچر متعارف کرادیا

کیلیفورنیا: واٹس ایپ ویب ایپلی کیشن نے صارفین کو بہتر سیکیورٹی فراہم کرنے کے لیے اسکرین لاک کا فیچر متعارف کرایا ہے تاکہ غیر مجاز افراد پیغامات تک رسائی نہ کرسکیں۔

فی الحال یہ فیچر صرف واٹس ایپ ویب بیٹا صارفین کے لیے دستیاب ہوگا۔ نئے فیچر کے ساتھ، غیر مجاز افراد ایپ تک رسائی حاصل نہیں کر سکیں گے۔

اسکرین لاک فیچر کا اعلان پچھلے سال کیا گیا تھا لیکن اب اسے باضابطہ طور پر لانچ کر دیا گیا ہے، میٹا کی ملکیت والی کمپنی کا کہنا ہے کہ اپ گریڈ فی الحال صرف بیٹا پروگرام صارفین کے لیے دستیاب ہے۔

اس نے اپنے بلاگ پوسٹ میں کہا، "ہم نے پچھلے سال اسکرین لاک آپشن کے بارے میں ایک مضمون شیئر کیا تھا، جس میں بتایا گیا تھا کہ واٹس ایپ ڈیسک ٹاپ بیٹا میں ایک فیچر آرہا ہے۔"

پوسٹ میں مزید کہا گیا کہ پاس ورڈ ایپ کو غیر مجاز رسائی سے دور رکھے گا، واٹس ایپ نے طویل ٹیسٹنگ کے بعد یہ فیچر بیٹا صارفین کے لیے جاری کیا ہے۔