ایوان صدر کی طرف سے وزیراعظم کے پرنسپل سیکریٹری کو خط

صدر عارف علوی نے وزیراعظم کے پرنسپل سیکریٹری کو خط میں لکھا ہے کہ میرے پرنسپل سیکریٹری کی خدمات واپس لی جائیں۔

صدر مملکت عارف علوی نے نگراں وزیراعظم انوار الحق کاکڑ کے پرنسپل سیکریٹری کو خط لکھ دیا ہے جس میں کہا گیا ہے کہ میرے پرنسپل سیکریٹری کی خدمات واپس لی جائیں۔

کل کے واضح بیان کے پیشِ نظر ایوانِ صدر نے صدر مملکت کے سیکرٹری کی خدمات اسٹیبلشمنٹ ڈویژن کو واپس کردیں

ایوانِ صدر کا وزیراعظم کے پرنسپل سیکرٹری کے نام خط

وقار احمد، صدر مملکت کے سیکرٹری، کی خدمات کی مزید ضرورت نہیں، اسٹیبلشمنٹ ڈویژن کو واپس کی جاتی ہیں، ایوانِ صدر

— The President of Pakistan (@PresOfPakistan) August 21, 2023

صدر مملکت نے خط میں لکھا ہے کہ مجھے پرنسپل سیکریٹری وقار احمد کی خدمات درکار نہیں، حمیرا احمد کو صدر کی سیکرٹری تعینات کیا جائے۔

واضع رہے کہ گزشتہ روز صدر مملکت عارف علوی نے ایک ٹویٹ میں آفیشل سیکریٹ ترمیمی بل اور پاکستان آرمی ترمیمی بل پر دستخط کرنے کی تردید کرتے ہوئے کہا تھا کہ میں تو ان قوانین سے اختلاف کرتا ہوں، میں عملے کو بل واپس بھیجنے کا کہنا تھا لیکن اس نے حکم عدولی کی۔