مسلم لیگ (ن )کسی صورت الیکشن میں آنے کو تیار نہیں ،شعیب شاہین

قانونی ماہر شعیب شاہین نے میڈیا سے بات کرتے ہوئے کہا کہ گزشتہ حکومت نے آخری ہفتوں میں بل پاس کرانے کا جمعہ بازار لگا یا اور ایسے قانون بنائے جو عام عوام پر بجلی کی طرح نازل ہورہے ہیں ، شعیب شاہین نے کہا کہ گزشتہ حکومت اپنے ان فیصلوں پر عوام سے معذرت کر ے ۔

آج ساری سیاسی پارٹیاں اکٹھی ہوکر بیٹھیں اور نگران حکومت سے 90 دنوں میں الیکشن کرانے کا مطالبہ کریں ، ہم صرف جمہوری روایات پر یقین رکھتے ہیں ۔

بلز کا جمعہ بازار، الیکشن سے کون بھاگنا چاہتا ہے؟ن لیگ ڈر کا شکار,بہت جلد مہنگائی کا طوفان ۔۔ شعیب شاہین حقائق سامنے لے آئے #PMLN #inflation #shoaibshaheen pic.twitter.com/YbGj7ljo0C

— GNN (@gnnhdofficial) August 31, 2023

شعیب شاہین نے کہا کہ پیپلزپارٹی اگر 90 دنوں میں الیکشن کرانے کا مطالبہ کر رہی ہے تو ہم ان کو اس فیصلے پر داد پیش کرتے ہیں ۔

مسلم لیگ ن کسی صورت بھی الیکشن میں آنے کو تیار نہیں ہے کیونکہ ان کو ان کی تباہی نظر آرہی ہے انہوں نے جو عوام پر مہنگائی کا طوفان برپا کیا ہے قوم کبھی بھی ان کو الیکشن میں سرخرونہیں ہونے دے گی۔