انگلش پریمیئر لیگ میں 16 ستمبر کو مزید 7میچز کھیلے جائیں گے

لندن: انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔

ای پی ایل میں 16 ستمبر کو مزید 7 میچوں کا فیصلہ ہوگا۔پہلا میچ وولور ہیمپٹن اور لیورپول کی ٹیموں کے درمیان مولینکس سٹیڈیم، وولور ہیمپٹن میں کھیلا جائے گا،دوسرے میچ میں آسٹن ولا اور کرسٹل پیلس کی ٹیمیں ولا پارک، برمنگھم میں آمنے سامنے ہوں گی، تیسرا میچ لوٹن ٹاؤن اور فلہم کے درمیان کریون کاٹیج، لندن میں کھیلا جائے گا۔

چوتھا میچ مانچسٹر یونائیٹڈ اور برائٹن اینڈ ہوو البیون کی ٹیموں کے درمیان اولڈ ٹریفورڈ، مانچسٹر میں کھیلا جائے گا،پانچویں میچ میں ٹوٹنہم ہاٹ پور اور شیفیلڈ یونائیٹڈکی ٹیمیں ٹوٹنہم ہاٹ پور سٹیڈیم،لندن کے مقام پر پنجہ آزمائی کریں گی اور چھٹا میچ ویسٹ ہیم یونائیٹد اور دفاعی چیمپئن مانچسٹر سٹی کی ٹیموں کے درمیان لندن سٹیڈیم ، لندن میں کھیلا جائے گا۔

جبکہ ساتویں میچ میں نیو کیسل یونائیٹڈ اور برینٹ فورڈ کی ٹیمیں سینٹ جیمز پارک، نیوکیسل کے مقام پر آمنے سامنے ہوں گی ۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کرے گی۔