ڈالر کی قیمت میں گراوٹ کا سلسلہ جاری

 ڈالر کی قیمت میں گراوٹ کا سلسلہ جاری ہے۔

کاروباری ہفتے کے چوتھے روز انٹر بینک میں ڈالرکی قیمت میں مزید 86پیسے کی کمی سامنے آئی جس کے بعد ڈالر کی نئی قیمت 297 روپے96 پیسے پر آگئی ہے۔جبکہ اوپن مارکیٹ میں بھی ڈالر کاروبار کے اختتام پر 3 روپے سستا ہوگیا۔ اوپن مارکیٹ میں ڈالر 298 روپے پر بند ہوا

Interbank closing #ExchangeRate for todayhttps://t.co/vzWPNE83s0#SBPExchangeRate pic.twitter.com/jNNfdlVkfv

— SBP (@StateBank_Pak) September 14, 2023

خیال رہے کہ گزشتہ روز کاروبار کےاختتام پر انٹر بینک میں ڈالر مزید 1 روپے 6 پیسے سستا ہو کر 298 روپے82 پیسے کی سطح پر بند ہوا تھا 

دوسری جانب پاکستان اسٹاک ایکسچینج میں کاروبار کے اختتام پر تیزی دیکھنے میں آئی۔ مارکیٹ 59 پوائنٹس کے اضافے سے 45 ہزار 650 پوائنٹس پر بند ہوئی۔ دن بھر مجموعی طور پر 315 کمپنیوں کے شیئرز میں کاروبار ہوا۔

148 کمپنیوں کے شیئرز کی قیمتوں میں اضافہ جبکہ 137 کے شیئرز میں کمی ہوئی۔آج مارکیٹ کی بلند ترین سطح 45,776 جبکہ کم ترین سطح 45,581 رہی۔