نیب ترامیم کالعدم، فیصلے کا زیادہ نقصان زرداری پارٹی کو ہونا ہے،فواد چوہدری

سابق وفاقی وزیر اطلاعات فواد چودھری نے کہا ہے کہ اس فیصلے کا زیادہ نقصان زرداری پارٹی کو ہونا ہے، جہاں اومنی کیسز اور جعلی اکاؤنٹس کیسز اور بے نامی تینوں بحال ہو گئے ہیں جبکہ مریم نواز اور نواز شریف کی سزا بھی بحال ہو گئی ہے۔

سماجی رابطے کی ویب سائٹ ایکس پراپنے پیغام میں فواد چوہدری نے کہا ہے کہ رانا ثنااللہْ نے پوری پریس کانفرنس 2 باتوں پر کردی، پہلی کہ ریمانڈ میں ترمیم ختم ہو گئی ہے اور دوسرا ٹرائیل کورٹ کو ضمانت کا اختیار نہیں ہو گا۔

فواد چودھری نے کہا کہ رانا ثناء اللہ نے پریس کانفرس کرنے سے پہلے نہ تو کسی سے پوچھنے کی زحمت کی نہ خود پڑھا کہ یہ دونو ں ترامیم تو چیلنج ہی نہیں کی گئیں تھیں تو عدالت ان پر کیسے فیصلہ دیتی؟

اس فیصلے کا زیادہ نقصان زرداری پارٹی کو ہونا ہے، جہاں اومنی کیسز اور جعلی اکاؤنٹس کیسز اور بے نامی تینوں بحال ہو گئے ہیں۔

فواد چودھری نے مزید کہا کہ مریم نواز اور نواز شریف کی سزا بھی بحال ہو گئی ہے اور بیرون ملک سے آئی شہادتیں اب عدالت کے فیصلے کی بنیاد بن سکتے ہیں