نامزد چیف جسٹس قاضی فائز عیسی کل عہدےکا حلف لیں گے

اسلام آباد: جسٹس قاضی فائز عیسیٰ اتوار کو چیف جسٹس آف پاکستان (سی جے پی) کے عہدے کا حلف اٹھائیں گے۔ جسٹس عیسیٰ کی اگلے چیف جسٹس کے لیے نامزدگی کی منظوری صدر ڈاکٹر عارف علوی نے 21 جون کو دی تھی۔

جسٹس قاضی فائز عیسی کل صدر مملکت سے پاکستان کے 29ویں چیف جسٹس کی حیثیت سے حلف لیں گے۔ جسٹس عیسیٰ کو قانون کے مطابق چیف جسٹس آف پاکستان کی سیکیورٹی فراہم کردی  گئی ہے،صدرِ مملکت ڈاکٹر عارف علوی نے جسٹس قاضی فائز عیسیٰ کی بطور چیف جسٹس کی تعیناتی آئین کے آرٹیکل 175 اے 3 کے تحت کی تھی۔

سابق چیف جسٹس عمر عطا  بندیال نے جسٹس قاضی فائز عیسی  کو نیک تمنائیں بھیجیں۔ عمر عطا بندیال نے  اسلام آباد میں اپنی سرکاری رہائش گاہ ججز کالونی بھی چھوڑ دی۔

سابق چیف جسٹس عمر عطا بندیال نے 19 ماہ سے زائد عرصے تک اعلیٰ عدالتی عہدے پر خدمات انجام دیں۔ ان کی تقرری 2 فروری 2022 کو ہوئی تھی حالانکہ ان کا نوٹیفکیشن 17 جنوری کو جاری کیا گیا تھا۔