جزیلہ اسلم سپریم کورٹ کی پہلی خاتون رجسٹرار مقرر

اسلام آباد: چیف جسٹس آف پاکستان (سی جے پی) قاضی فائز عیسیٰ نے اتوار کو محترمہ جزیلہ اسلم کو سپریم کورٹ کا رجسٹرار مقرر کردیا۔ 

جزیلہ اسلم سپریم کورٹ کی رجسٹرار بننے والی پہلی خاتون ہیں۔رپورٹ کے مطابق جزیلہ اسلم اس سے قبل اوکاڑہ میں ڈسٹرکٹ اینڈ سیشن جج کے عہدے پر فائز تھیں۔ 

جزیلہ اسلم قصور اور سیالکوٹ میں بھی اس عہدے پر فائز رہ چکی ہیں۔ وہ پنجاب کی سب سے سینئر خاتون ڈسٹرکٹ اینڈ سیشن جج ہیں۔

جزیلہ اسلم نے 1994 میں بطور سول جج اور جوڈیشل مجسٹریٹ قانونی پیشہ جوائن کیا تھا۔ پنجاب جوڈیشل اکیڈمی میں ڈائریکٹر اکیڈمک اور فیڈرل جوڈیشل اکیڈمی میں لیکچرار کے طور پر اپنے کرداروں کے ساتھ ساتھ وہ ڈپٹی سالیسٹر اور سالیسٹر کے عہدوں پر بھی فائز رہ چکی ہیں۔