شاہین اور انشا آفریدی آج شادی کے بندھن میں بندھ جائیں گے

اسلام آباد: پاکستان کرکٹ ٹیم کے فاسٹ بولر شاہین شاہ آفریدی اور سابق کپتان شاہد آفریدی کی بیٹی انشا آفریدی کی شادی کی تقریب آج (منگل) کو ہوگی۔

تفصیلات کے مطابق شاہین آفریدی اور انشا آفریدی کا رواں سال (2023) کے آغاز میں فروری میں کراچی میں نکاح ہوا جس میں معروف کرکٹرز سمیت قریبی رشتہ داروں نے شرکت کی۔

چند ماہ قبل شاہد آفریدی نے کہا تھا کہ ان کی بیٹی انشا اور قومی ٹیم کے فاسٹ بولر شاہین آفریدی کی شادی ایشیا کپ کی وجہ سے ملتوی کرنا پڑے گی۔

پاکستان اور سری لنکا میں کھیلا گیا ایشیا کپ 17 ستمبر کو مکمل ہوا جس کے بعد شاہین اور انشا کی شادی کی تاریخ 19 ستمبر ہونے کا انکشاف ہوا ہے۔

میڈیا رپورٹس کے مطابق شاہین آفریدی اور انشا کے نکاح کی تقریب آج اسلام آباد میں ہوگی جب کہ ولیمہ 21 ستمبر کو ہوگا۔