سن رہا ہوں کہ مجھے ٹاسک دیا گیا ہے کہ پی آئی اے کو بند کر دیا جائے ،وزیر نجکاری

گزشتہ روز ہی وزیر خزانہ شمشاد اختر سے وزیر نجکاری کا قملدان واپس لے لیا گیا ۔

نگران وفاقی وزیر نجکاری فواد حسن فواد کابینہ کمیٹی برائے نجکاری کے چیئرمین مقرر کر دیئے گئے، وزیر خزانہ، وزیر تجارت، وزیر پاور اور پٹرولیم کو کابینہ کمیٹی برائے نجکاری میں شامل کیا گیا ہے۔

فواد حسن نے واضح کیا کہ مجھے خبریں موصول ہو رہیں ہیں کہ فواد حسن کو ٹاسک دیا گیا ہے کہ پی آئی اے کو بند کر دیا جائے لیکن ایسا کو ئی بھی ایجنڈہ نہیں ہے ،وزیر نجکاری فواد حسن نے کہا کہ ہماری نجکاری کے متعلق بھی کوئی ایجنڈہ نہیں ہے ۔