لاہور : قائد مسلم لیگ ن میاں محمد نواز شریف دسمبر کے تیسرے ہفتے میں کراچی کا دورہ کریں گے ۔

قائد مسلم لیگ کا یہ دورہ 2 روز پر مشتمل ہو گا ، میاں محمد نواز شریف کراچی میں ایم کیو ایم ، جی ڈی اے ، جے یو آئی کے رہنماؤں سے ملاقاتیں کریں گے ۔

نوازشریف سیٹ ایڈجسٹمنت سے لے کر اہم معاملات پر گفتگو کریں گے ، مسلم لیگ ن سندھ کے صدر بشیر میمن نواز شریف کو سندھ کے حلقوں کے حوالے سے بریفنگ دیں گے ۔

اسلام آباد: نگراں وزیر داخلہ سرفراز بگٹی نے دہشت گردی کی لعنت کے خاتمے کے لیے پاکستان کے پختہ عزم کا اعادہ کیا ہے۔

پیر کو اسلام آباد میں پولیس لائنز میں ایک تقریب سے خطاب کرتے ہوئے انہوں نے کہا  کہ ہمیں اس دہشتگردی کی  لعنت کا اجتماعی اور مستقل مزاجی سے مقابلہ کرنا ہے،انہوں نے کہا کہ پاکستان ہی اس جنگ میں فاتح ہوگا۔

ملک کے قیام کے بعد سے ہی اس کے خلاف رچی جانے والی سازشوں کا ذکر کرتے ہوئے وزیر داخلہ نے ان سازشوں کو ناکام بنانے کے لیے سیکیورٹی فورسز کی جانب سے دی گئی بے مثال قربانیوں کو اجاگر کیا۔

انہوں نے کہا کہ ان بہادر افراد نے ہمارے بہتر مستقبل کے لیے اپنی جانوں کا نذرانہ پیش کیا اورکہا  کہ ان کی خدمات کو ہمیشہ سنہرے الفاظ میں یاد رکھا جائے گا۔

لاہور : بھارتی سپریم کورٹ کے فیصلے پر شہباز شریف نےسخت رد عمل کا اظہارکیا ہے ۔

انہوں نے کہا کہ بھارتی سپریم کورٹ نے لاکھوں کشمیریوں کے خون کے ساتھ غداری کی ہے ۔

شہباز شریف نے کہا کہ بھارتی سپریم کورٹ کے اس متعصبانہ فیصلے  سے تحریک آزادی کشمیر مزید مضبوط ہوجائے گی ۔

بھارتی سپریم کورٹ فیصلے پر شہباز شریف کا سخت ردعمل!#GNN_Updates #GNN #BreakingNews #NewsUpdates pic.twitter.com/jzHkA23NNH

— GNN (@gnnhdofficial) December 11, 2023

انہوں نے کہا کہ یہ فیصلہ بھارتی سپریم کورٹ کے ماتھے پر انصاف کےخون کی پہچان کے طور پر دیکھا جائے گا یہ فیصلہ کبھی بھی سپریم کورٹ کو انصاف نہیں کر نے دے گا انہوں نے کہا کہ اس فیصلے کو آئینی قرار دے کر انڈیا  نے اپنے انصاف کا معیار پوری دنیا کے سامنے ظاہر کر دیا ہے ۔