پنجاب حکومت نے 29 ستمبر کو عام تعطیل کا اعلان کردیا

لاہور: پنجاب حکومت نے عید میلادالنبی پر جمعہ کو عام تعطیل کا اعلان کردیا۔ نوٹیفکیشن کے مطابق 29 ستمبر (جمعہ) کو عام تعطیل ہو گی جس کے باعث تمام سرکاری ادارے بند رہیں گے۔

29 ستمبر کو چھٹی کا نوٹیفکیشن تمام محکموں کو ارسال کر دیا گیا ہے۔  اس سے قبل وفاقی حکومت نے عید میلادالنبی کے موقع پر 29 ستمبر کو عام تعطیل کا اعلان کیا تھا۔ مرکزی رویت ہلال کمیٹی کے اعلامیہ کے مطابق ربیع الاول کا بابرکت مہینہ 18 ستمبر بروز پیر سے شروع ہواجس کے مطابق  عید میلادالنبیؐ 29 ستمبر بروز جمعہ کو ہو گی۔  

بارہ ربیع الاول کو عام تعطیل ہو گی جبکہ تمام وفاقی سرکاری اداروں اور تمام نجی اداروں اور سکولوں میں جن میں ہفتہ اور اتوار کو چھٹی ہوتی ہے ان میں بھی ہفتہ (30 ستمبر) اور اتوار (01 اکتوبر) کو تعطیل ہو گی۔