لیجنڈری اداکارہ وحیدہ رحمان نے بھارت کا سب سے بڑافلمی ایوارڈ اپنے نام کر لیا

بالی وڈ لیجنڈری اداکارہ وحیدہ رحمان کو بھارت کے سب سے بڑے فلمی ایوارڈ  دادا صاحب پھالکے لائف ٹائم اچیومنٹ ایوارڈ سے نوازا جائے گا، پچھلے سال  دادا صاحب پھالکے ایوارڈ آشا پاریکھ کو پیش کیا گیا تھا۔ سماجی رابطے کی ویب سائٹ ایکس پر بھارتی وزیر انوراگ ٹھاکر نے ایوارڈ کا اعلان  کیا ہے،

I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.

Waheeda ji has been critically acclaimed for her…

— Anurag Thakur (@ianuragthakur) September 26, 2023

انو راگ ٹھاکر کی جانب سے کی جانے والی ٹوئٹ میں وحیدہ  رحمان کو خراج تحسین پیش کرتے ہوئے کہا گیا ہے کہ  ان کی لاجواب فلمیں ہر نسل کے لئے خوشیاں بانٹنے والی ثابت ہوئیں جن میں پیاسا، کاغذ کے پھول، چودھوی کا چاند، صاحب بیوی اور غلام، گائیڈ، خاموشی اور کئی دیگر شامل ہیں۔

5 دہائیوں پر محیط اپنے کیرئیر میں انہوں نے اپنے کرداروں کو انتہائی نفاست سے نبھایا، جس کی وجہ سے فلم ریشما اور شیرا میں  انہیں نیشنل فلم ایوارڈ سے نوازا گیا۔ پدم شری اور پدم بھوشن ایوارڈ یافتہ، وحیدہ جی نے لگن، عزم اور ایک بھارتیہ ناری کی طاقت کی مثال  ہیں  جو اپنی محنت سے اعلیٰ ترین پیشہ ورانہ مہارت حاصل کر سکتی ہے۔