کورونا کیسز میں اضافہ ، سیدو شریف اسپتال میں سینٹرلائز آکسیجن پلانٹ نصب

تفصیلات کے مطابق   ملک بھر میں کورونا کی تیسری لہر جاری ہے ، کورونا  کی  وزیر اعلیٰ خیبر پختونخوا محمود خان کی خصوصی ہدایت پر کوویڈ کے مریضوں میں اضافے کے پیش نظر  سوات کے سیدو شریف اسپتال میں سینٹرلائز آکسیجن پلانٹ نصب  کر دیا گیا۔ اس  آکسیجن پلانٹ کی کپیسٹی یا گنجائش  8ہزار 400 ایم 3 ہے۔اسپتال ترجمان کے مطابق پلانٹ سے کوویڈ کے تمام مریضوں کو 24 گھنٹے بلا تعطل آکسیجن گیس کی فراہمی یقینی ہوگی۔پلانٹ اسپتال کے تمام شعبوں کو بلا رکاوٹ آکسیجن گیس فراہم کرے گا اور اس سے اسپتال پر آکسیجن کا 90 فیصد لوڈ ختم ہو جائے گا۔

ترجمان سیدوشریف اسپتال کے مطابق  پلانٹس سے مالاکنڈ ڈویژن کے تمام اضلاع کے کریٹیکل مریضوں کی بروقت ضرورت پوری ہوگی۔ آکسیجن کے عام ایک بڑے سلنڈر میں 6اعشاریہ 9 ایم 3 گیس ہوتی ہے جبکہ  پلانٹس میں 1300 (249سی ایف ٹی) آکسیجن سلنڈر  کی  گنجائش  موجود ہے ۔

واضح رہےکہ ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید78افراد چل بسے ۔ ملک میں  اموات کی مجموعی تعداد18 ہزار993ہوگئی ہے،جبکہ  متاثرہ افراد کی مجموعی تعداد 8 لاکھ 61ہزار 473ہو گئی ہے ۔