گاڑیوں کے مشہور کمپنی نے لاگت میں اضافے کے باعث گاڑیوں کے قیمتیں بڑھا دیں۔

عالمی میڈیا کے مطابق بھارت کی سب سے بڑی کار مینوفیکچرنگ کمپنی ماروتی سوزوکی نے سال کے آخر میں یہ فیصلہ کیا ہے۔ کمپنی کی جانب سے اعلان کیا گیا ہے کہ وہ اپنی کاروں کی قیمتوں میں اضافہ کرے گی جو یکم جنوری 2024 سے لاگو ہوں گی۔

بیان میں کمپنی کی جانب سے کہا گیا ہے کہ کمپنی کو یہ فیصلہ اشیاء کی قیمتوں اور ان پٹ لاگت میں اضافے کی وجہ سے لینا پڑا ہے۔ خیال کیا جا رہا ہے کہ ماروتی کے تمام ماڈلز کی قیمتوں میں اضافہ کردیا جائے گا، تاہم کار ساز کمپنی نے ابھی تک اپنے ماڈلز پر صحیح اضافے کا اعلان نہیں کیا ہے۔

کمپنی کی جانب سے جاری کردہ بیان میں کہا گیا ہے کہ لاگت کو کم کرنے اور قیمتوں میں اضافے کی تلافی کے لیے کی جانے والی کوششوں کے باوجود کچھ کاروں کی خریداری پر صارفین کو قیمتوں میں اضافے کا بوجھ اٹھانا پڑ سکتا ہے۔

لاہور: سرمایہ کاروں کا اعتماد بحال ہوتے ہی سٹاک مارکیٹ میں نئی تاریخیں رقم ہونے لگیں۔

کاروباری ہفتے کے تیسرے روز دن کے آغاز پر ہی سٹاک مارکیٹ میں زبردست تیزی دیکھی گئی اور 100 انڈیکس 61 ہزار کی حد عبور کر گیا۔

کاروبار شروع ہوتے ہی 100 انڈیکس میں 323 پوائنٹس کا اضافہ ہوا جس کے ساتھ ہی 100 انڈیکس 61 ہزار 137 پوائنٹس کی نئی بلند ترین سطح پر پہنچ گیا۔ 

لاہور: سابق وزیراعظم شہباز شریف بدھ کو رمضان شوگر مل ریفرنس میں لاہور کی احتساب عدالت میں پیش ہوئے۔

تفصیلات کے مطابق احتساب عدالت نے قومی احتساب بیورو (نیب) ریفرنس میں شہباز شریف کو طلب کر رکھا ہے، پاکستان مسلم لیگ (ن) کے صدر کی پیشی کے موقع پر عدالت کے اطراف سیکیورٹی کے سخت انتظامات کیے گئے تھے۔

سماعت کے دوران شہباز شریف روسٹرم پر آئے اور کہا کہ مجھے صاف پانی کیس میں طلب کیا گیا اور گندے نالے کیس میں گرفتار کیا گیا۔ میں کیس کے میرٹ پر بات نہیں کروں گا جو میرا وکیل کرے گا۔ یہ کیس کئی سالوں سے چل رہا ہے۔‘‘

انہوں نے بتایا کہ انہیں پہلی بار صاف پانی کیس میں عدالت نے طلب کیا اور آشیانہ ریفرنس میں گرفتار کیا گیا جس میں انہیں عدالت نے انصاف فراہم کیا۔ بعد ازاں نیب نے انہیں گندے نالے کے کیس میں گرفتار کیا کہ ان کے بیٹے کی شوگر مل کے باہر نالہ بنایا گیا تھا۔