ملک بھر میں عید میلادالنبی ﷺکو عقیدت و احترام سے منا یا گیا

عید میلاد النبی ﷺ کی مطابقت سے ملک بھر میں چراغاں اور عمارتوں کو برقی قمقموں سے سجا دیا گیا ہے جبکہ ہر سو درود و سلام و میلاد کی محافل کا انعقاد کیا گیا۔

ملک بھر میں بچوں نے اپنی مدد آپ کے تحت گلی محلوں کو خوب سجا یا ، گلی محلوں کو جھنڈوں ، جھنڈیوں ، لائٹوں سے سجایا گیا ۔

جمعہ کو عید میلادالنبیۖ کے موقع پر جشن صبح بہاراں کا آغاز بارگاہ رسالت میں ہدیہ درود و سلام، اجتماعی دعاؤں سے ہوا۔ جشن ولادت مصطفی صبح بہاراں کی مناسبت سے محافل نعت، میلاد شریف، قصیدہ بردہ شریف، ختم درود پاک کی محافل منعقد کی گئیں۔

عید میلادالنبی ﷺ کو ملک بھر میں عقیدت احترام سے منایا گیا ، لاہور ، کراچی ، اسلام آبا د، سرگودھا ، جھنگ ، ملتان اور ملک کے چھوٹے بڑے شہروں میں عید میلا د النبی ﷺ کے جلوس نکالے گئے جلسے جلوسوں میں لنگر کا بھی خصوصی انتظام کیا گیا تھا ۔