آسٹریلیا نے نیدرلینڈز کو 309 رنز سے ہرا دیا

دہلی کے ارون جیٹلی اسٹیڈیم میں کھیلے گئے میچ میں نیدرلینڈز کی ٹیم آسٹریلیا کی جانب سے دیے گئے 400 رنز کے تعاقب میں 20.5 اوورز میں 90 رنز پر ڈھیر ہوگئی۔دہلی میں کھیلے جارہے میچ میں آسٹریلیا نے مقررہ اوورز میں 8 وکٹوں کے نقصان پر 399 رنز بنائے اور نیدرلینڈز کو جیت کے لیے 400 رنز کا ہدف دیا تھا۔

گلین میکسویل نے 40 گیندوں پر ورلڈ کپ کی تیز ترین سنچری اسکور کی۔ ان کی اننگز میں 8 چھکے اور 9 چوکے شامل تھے۔اوپنر ڈیوڈ وارنر نے بھی 104 رنز کی دلکش اننگز کھیلی، اسٹیو اسمتھ 71 اور مارنوس لبوشین 62 رنز کے ساتھ نمایاں رہے۔

نیدرلینڈز کی جانب سے لوگن وین بیک نے تین وکٹیں حاصل کیں، باس دی لیڈ نے دو وکٹیں حاصل کیں۔س سے قبل ٹاس جیتنے کے بعد آسٹریلوی کپتان پیٹ کمنز نے کہا تھا کہ آج کی پچ بیٹنگ کے لیے ساز گار لگ رہی ہے۔ مسلسل دو میچز جیت کر اعتماد میں اضافہ ہوا ہے اور کوشش کریں گے کہ حریف کو بڑا ہدف دے سکیں۔

کینگروز ٹیم دو مسلسل میچ جیت کر ٹیم میں واپس آئی ہے اور آج کی فتح اس کی ٹاپ فور میں پہنچنے کی پوزیشن کو مستحکم بنا سکتی ہے تاہم ڈچ ٹیم کے پاس بھی میگا ایونٹ میں دوسرا اپ سیٹ کرنے کا نادر موقع ہے اس سے قبل گزشتہ ہفتے انہوں نے میگا ایونٹ کی  مضبوط ترین ٹیم جنوبی افریقہ کو نا قابل یقین شکست سے دوچار کیا تھا۔