سعودی عرب 2034 تک سالانہ 4 لاکھ گاڑیاں تیار کرے گا،نیشنل ڈویلپمنٹ ڈیپارٹمنٹ

سعودی پبلک انویسٹمنٹ فنڈ میں نیشنل ڈویلپمنٹ ڈیپارٹمنٹ کے سربراہ جیری ٹوڈ نے کہا ہے کہ سعودی عرب 2034 تک سالانہ 4 لاکھ گاڑیاں تیار کرے گا۔

فیوچر انویسٹمنٹ انیشیٹو کی ایک تقریر میں انہوں نے کہا جہاں تک سپلائی چینز کا تعلق ہے دوسرے اور تیسرے درجے کے سپلائرز اب فیکٹریوں کے لیے انفراسٹرکچر بنا رہے ہیں۔ ہم اسے ایک بہت اہم شعبے کے طور پر دیکھ رہے ہیں۔

سعودی عرب میں ٹائر فیکٹری کے قیام کے لیے سرمایہ کاری فنڈ اور پیریلی کے درمیان معاہدہ ہوا ہے۔ انہوں نے نشاندہی کی کہ عمومی طور پرکاروں اور ایرو سپیس اور دفاع کے شعبوں میں جدید مینوفیکچرنگ کے بارے میں بات کرنا دلچسپ ہے ۔ اس حوالے سے سامی کمپنی بھی اہم ہے۔

انہوں نے کہا سامی کا آغاز 2017 میں ہوا اور آج یہ دنیا میں 79 نمبر پر اہم کھلاڑی کے طور پر موجود ہے۔ اس طرح برازیل کی کمپنی امبرائر کا نمبر 100 ہے۔ اس سے آپ کو اندازہ ہوجائے گا کہ انہوں نے کتنی طاقت حاصل کرلی ہے۔