پاکستان اوپن ٹین پن بائولنگ چیمپئن شپ کاآغاز 7 نومبر سے کراچی میں ہو گا

اسلام آباد: سندھ ٹین پن باؤلنگ ایسوسی ایشن کے صدر علیم آغا نے کہا ہے کہ صوبائی سطح ٹین پن باؤلنگ فیڈریشن کے فروغ کے لئے تمام وسائل بروئے کار لائیں گے۔

ان خیالات کا اظہار انہوں نے میڈیا سے گفتگو کرتے ہوئے کیا۔ انہوں نے کہا کہ پاکستان ٹین پن بائولنگ فیڈریشن کے زیراہتمام اور سندھ ٹین پن بائولنگ ایسوسی ایشن کے تعاون سے پاکستان اوپن ٹین پن بائولنگ چیمپئن شپ 7 نومبر سے رائل روڈیل کلب، ڈی ایچ اے، کراچی میں شروع ہو گی۔

چیمپئن شپ کی تیاریاں زور و شور سے جاری ہیں ، جس میں ملک بھر سے مرد و خواتین کھلاڑی حصہ لیں گی۔ انہوں نے کہا کہ 8 کیٹگریز کے مقابلے رکھے گئے ہیں جن میں اوپن سنگلز، ایمچور، لیڈیز، انڈر 22، سینئر، میڈیا، ڈبلز اور مکس ٹیم شامل ہیں۔ چیمپئن شپ میں شرکت کے لیے کھلاڑی اپنے ناموں کی رجسٹریشن 5 نومبر تک کروا سکتے ہیں۔چیمپئن شپ 12 نومبر تک جاری رہےگی اور اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔