برطانوی فاسٹ بائولر ڈیوڈ ولی کا آئی سی سی مینز ورلڈکپ کے بعد ریٹائرمنٹ کا اعلان

لندن: انگلینڈ کرکٹ ٹیم کے مایہ ناز فاسٹ بائولر ڈیوڈ ولی نے آئی سی سی مینز ورلڈکپ کے بعد کرکٹ سے ریٹائرمنٹ کا اعلان کر دیا۔ 33 سالہ ڈیوڈ ولی نے کہا ہے کہ بچپن سے صرف انگلینڈ کے لیے کرکٹ کھیلنے کا خواب دیکھا۔انہوں نے کہا کہ بہت افسوس کے ساتھ کہنا پڑ رہا ہے کہ ورلڈکپ کے بعد تمام طرز کی کرکٹ سے ریٹائرمنٹ لینے کا وقت آگیا ہے۔

ڈیوڈ ولی کو انگلینڈ نے سینٹرل کنٹریکٹ نہیں دیا تھا اور وہ ورلڈ کپ کھیلنے والے واحد انگلش کرکٹر ہیں جنہیں سینٹرل کنٹریکٹ نہیں ملا تھا۔ چند دن پہلے انگلینڈ کرکٹ بورڈ (ای سی بی )نے 29 کھلاڑیوں کو سینٹرل کنٹریکٹ دیے تھے۔33 سالہ ڈیوڈ ولی نے سوشل میڈیا پوسٹ میں اپنے ریٹائرمنٹ کے فیصلے کے حوالے سے اعلان کیا۔ انہوں نے لکھا کہ میں کبھی نہیں چاہتا تھا کہ یہ دن آئے۔

میں نے انگلینڈ کے لیے کرکٹ کھیلنے کا صرف خواب ہی دیکھا تھا، لہذا سوچ سمجھ کر اور کافی غور و فکر کے بعد انتہائی افسوس کے ساتھ یہ فیصلہ کیا ہے کہ میں محسوس کرتا ہوں کہ اب وقت آگیا ہے کہ میں میگا ایونٹ آئی سی سی مینز ورلڈ کپ کے بعد تمام طرز کی بین الاقوامی کرکٹ سے ریٹائر ہوجاؤں۔