علاقائی
اسموگ کی مسلسل بگڑتی صورت حال، پنجاب کے 8 بڑے شہروں میں کل سے اسمارٹ لاک ڈاؤن کا نفاذ
اتوار تک تعلیمی ادارے، شاپنگ مالز، ریسٹورنٹس،سنیماز اور دفاتر بند رہیں گے
![اسموگ کی مسلسل بگڑتی صورت حال، پنجاب کے 8 بڑے شہروں میں کل سے اسمارٹ لاک ڈاؤن کا نفاذ](/media/85642/conversions/Smog-1280x720.jpg)
پنجاب میں اسموگ کی صورتحال سنگین ہو گئی ہےاور لاہور دنیا کے آلودہ ترین شہروں میں دوسرے نمبر پر آ گیا ہے۔ اسموگ کے خاتمے کےلئے لاہور سمیت پنجاب کے 8 اضلاع میں اسمارٹ لاک ڈاؤن نافذ کردیا گیا ہے۔
نگراں صوبائی حکومت کی جانب سے صوبائی دارالحکومت لاہور سمیت مختلف اضلاع میں اسمارٹ لاک ڈاؤن نافذ کردیا ہے۔اتوار تک تعلیمی ادارے، شاپنگ مالز، ریسٹورنٹس،سنیماز اور دفاتر بند رہیں گے۔
لاہور میں جمعرات کے روز ائر کوالٹی انڈیکس 450 اے سے تجاوز کر گیا ہے، جس کے بعد شہر میں اسمارٹ لاک ڈاؤن پر عمل درآمد کروانے کے لیے ضلعی انتظامیہ، پولیس اور دیگر محکمے سرگرم ہیں۔ اس حوالے سے تمام متعلقہ اداروں نے حکمت عملی بھی تشکیل دے دی ہے۔
لاہور اور اسموگ سے متاثرہ دیگر اضلاع میں جمعرات اور جمعہ کے روز جزوی طور پر اسمارٹ لاک ڈاؤن نافذ کیا جا رہا ہے جب کہ ہفتہ اور اتوار کو مکمل طور پر اسمارٹ لاک ڈاؤن نافذ رہے گا۔
انتظامیہ کی جانب سے اسمارٹ لاک ڈاؤن کے دوران سیف سٹی کیمروں کے ذریعے مرکزی علاقوں کی مارکیٹوں، بازاروں اور دیگر عوامی مقامات کی انتہائی توجہ کے ساتھ نگرانی کی جائے گی۔ اس حوالے سے ضلعی انتطامیہ اور پولیس نے تاجر تنظیموں کو صورت حال سے آگاہ کرتے ہوئے اعتماد میں لے لیا ہے۔
ڈی سی لاہور رافعہ حیدر کے مطابق ہفتہ اور اتوار کو لاہور سے باہر آنے جانے والی ٹریفک بند ہوگی ۔ انسداد اسموگ لاک ڈاؤن کے ساتھ ساتھ آلودگی پھیلانے والوں کے خلاف کاروائیاں جاری ہیں جب کہ اسموگ لاک ڈاون کامیاب بنانے کے لیے پولیس شہر کے داخلی خارجی راستوں پر ناکا بندی کرے گی۔
ضلعی انتظامیہ کی جانب سے شہریوں سے اپیل کی گئی ہے کہ 4 دن بغیر کسی ہنگامی ضرورت کے اپنے گھروں سے نکلنے سے گریز کریں۔
پاکستان
پاکستان اگلے 10 سالوں میں قرضہ دینے والاملک بن سکتا ہے ، گوہر اعجاز
گوہر اعجاز نے میڈیا سے گفتگو کرتے ہوئے کہا کہ ملکی معیشت اور افواج کیساتھ کھڑے ہیں ، پاکستان اگلے 10 سال میں قرضہ دینے والاملک بن جائے گا
![پاکستان اگلے 10 سالوں میں قرضہ دینے والاملک بن سکتا ہے ، گوہر اعجاز](/media/117853/conversions/93049_60065923-1280x720.jpg)
سابق وفاقی وزیر گوہر اعجاز کا کہنا ہے کہ ہماری پہلی جنگ آئی پی پیز کے ساتھ ہے ، ملک فوج اور اچھی معیشت سے مضبوط ہوتا ہے۔
تفصیلات کےمطابق گوہر اعجاز نے میڈیا سے گفتگو کرتے ہوئے کہا کہ ملکی معیشت اور افواج کیساتھ کھڑے ہیں ، پاکستان اگلے 10 سال میں قرضہ دینے والاملک بن جائے گا، ان کا کہنا تھا کہ ملک فوج اور اچھی معیشت سے مضبوط ہوتا ہے، ہماری فوج مضبوط ہے لیکن ہم مضبوط معیشت کا خواب دیکھ رہے ہیں۔
ہماری پہلی جنگ آئی پی پیز کے ساتھ ہے ، ہم جو ملک کے مفاد میں بہتر ہو گا وہی کچھ کریں گے ، بزنس کمیونٹی ہمیشہ پاکستان پہلے کی بات کرے گی اورہمارے لیے پاکستان سے بڑھ کر کوئی چیز نہیں ہے۔
پاکستان
فیصل واوڈا کے خلاف نازیبا الفاظ استعمال کرنے پر فلک ناز چترالی کی رکنیت معطل
چیئرمین سینیٹ نے پی ٹی آئی کی خاتون سینیٹر کو معطل کردیا، نازیبا الفاظ ادا کرنے پر فلک ناز چترالی کو دو دن کیلئے معطل کیا گیا
![فیصل واوڈا کے خلاف نازیبا الفاظ استعمال کرنے پر فلک ناز چترالی کی رکنیت معطل](/media/117852/conversions/falak-naz-1280x720.jpg)
سینیٹ اجلاس میں سینیٹر واوڈا کی تقریر کے دوران ہنگامہ آرائی اور نازیبا الفاظ کے استعمال پر چیئر مین سینیٹ یوسف رضا گیلانی نے فلک ناز چترالی کی رکنیت معطل کردی۔
چیئرمین سینیٹ نے دوران اجلاس نازیبا افلا فلک ناز کے الفاظ حذف کردئیے، جبکہ فیصل واوڈا نے مطالبہ کیا کہ فلک ناز کی رکنیت معطل کی جائے۔
جس پر چیئرمین سینیٹ نے کہا کہ فلک ناز نے اگر معذرت نہ کی تو معطل کردوں گا، جس پر حکومت اور اپوزیشن ارکان چیئرمین ڈائس کے سامنے اکٹھے ہو گئے۔
بعد ازاں چیئرمین سینیٹ نے پی ٹی آئی کی خاتون سینیٹر کو معطل کردیا، نازیبا الفاظ ادا کرنے پر فلک ناز چترالی کو دو دن کیلئے معطل کیا گیا۔
کھیل
پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد
وحید مراد، سجاد احمد، علی رضا اور ثناءاللہ سمیت تمام سکول کے سپورٹس انچارج بھی ٹرائل کے دوران موجود رہے
![پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد](/media/117860/conversions/news-1720023715-4058-1280x720.jpg)
پاکستان کرکٹ بورڈ (پی سی بی)کی طرف سے ہونے والے انڈر 16 سکول ٹورنامنٹ کے سلسلے میں کمپری ہینسو بوائز ہائر سیکنڈری سکول حیدرآباد کے گراؤنڈ میں ٹرائل منعقد کیے گئے۔
ٹرائلز میں گورنمنٹ رضا میموریل، گورنمنٹ زیل پاک ہائر سیکنڈری سکول، گورنمنٹ کمپری ہینسو بوائز ہائر سیکنڈری سکول، گورنمنٹ ہائی سکول لطیف آباد نمبر سات اور گورنمنٹ جی او آر ماڈل سکول کے بچوں نے شرکت کی۔
ان ٹرائلز کو رضا میموریل ہائی سکول کے سابق سپورٹس انچارج عثمان اسحاق، کمپری ہینسو سکول کے کوچ عمران خان، کمپری ہینسو سکول کے سپورٹس انچارج محی الدین اور پی ای ٹی رمیز راجہ نے آرگنائزنگ کیا جبکہ وحید مراد، سجاد احمد، علی رضا اور ثناءاللہ سمیت تمام سکول کے سپورٹس انچارج بھی ٹرائل کے دوران موجود رہے۔
-
پاکستان 2 دن پہلے
پی ٹی آئی رہنما محمود الرشید کا بیٹا گرفتار، پولیس کی شرکاء کووارننگ
-
پاکستان 15 گھنٹے پہلے
بیرسٹر گوہر کو اسلام آباد پولیس کی جانب سے رہا کردیا گیا
-
دنیا 22 گھنٹے پہلے
متحدہ عرب امارات میں 12 ربیع الاوّل کو عام تعطیل کا اعلان
-
علاقائی ایک دن پہلے
خیبر پختونخوا کے مختلف علاقوں میں 4.5 شدت کا زلزلہ
-
پاکستان 2 دن پہلے
نجی ٹی وی کے سابق نیوز اینکر عبداللہ ٹریفک حادثے مٰیں جاں بحق
-
علاقائی ایک دن پہلے
اسلام آباد میں ریڈ زون کو اچانک سیل کردیا گیا
-
پاکستان 18 گھنٹے پہلے
سرکاری اراضی قبضہ کیس، اسپیشل جج ہمایوں دلاور کے وارنٹ گرفتاری جاری
-
جرم 14 گھنٹے پہلے
رحیم یار خان میں پرامن انتخابات کے انعقاد کیلئے دفعہ 144 نافذ