وفاقی دارالحکومت میں نجی سکولز کے زیر اہتمام تین روزہ’’سیرت طیبہ ایکسپو‘‘ کل (11نومبر)شروع ہو گی

اسلام آباد: وفاقی دارالحکومت میں نجی سکولز کے زیر اہتمام تین روزہ ’’سیرت طیبہ ایکسپو‘‘ 11 نومبر کو شروع ہو گی جس میں تعلیمی اداروں کے بچے پریزنٹیشز، تحقیقی مقالاجات ،ماڈلز اور پراجیکٹس اور دیگرعملی سرگرمیوں کے ذریعے حضرت محمدﷺ کی حیات طیبہ کے مختلف پہلوؤں کو منفرد انداز میں اجاگر کریں گے۔

یو ایس انٹرنیشنل سکولز اور پپس سکولز سسٹم کےاشتراک کار سے یہ ایکسپو پپس سکولز بی- 17 کیمپس ملٹی گارڈنز سوسائٹی، اسلام آباد میں 11 سے 13 نومبر تک منعقد ہو گی جو صبح 10 بجے سے شام 4 بجے تک طالب علموں اور عوام کے لئے کھلی رہے گی۔

ایکسپو کے منتظمین نے بتایا کہ اپنی نوعیت کی اس منفرد اور معلوماتی نمائش میں مختلف سکولوں کے بچے شرکت کررہے ہیں اور نبی آخر الزمان ﷺسے اپنی والہانہ عقیدت اور محبت کا اظہار کرتے ہوئے آپ ؐکے اسوہ حسنہ کومتعدد عملی سرگرمیوں کے ذریعے اپنا رول ماڈل بناتے نظر آئیں گے۔