دنیا
دنیا کی آبادی8ارب سے تجاوز کر چکی ہے، امریکی ادارہ برائے مردم شماری
عالمی آبادی ستمبر 2023 کو مخصوص حد سے تجاوز کر چکی تھی، مردم شماری بیورو
![دنیا کی آبادی8ارب سے تجاوز کر چکی ہے، امریکی ادارہ برائے مردم شماری](/media/85747/conversions/F-hNW5RXEAA1kfi-1280x720.jpg)
امریکا کے ادارہ برائے مردم شماری نے کہا ہے کہ دنیا کی آبادی8ارب سے تجاوز کر چکی ہے، لوگوں کی عمر میں اضافہ ہوا اور بچوں کی پیدائش میں کمی آئی ہے، دنیا میں آبادی میں اضافے کے رجحان کی رفتار طویل عرصے سے مسلسل کم ہے۔
غیر ملکی خبر رساں ایجنسی کے مطابق امریکی مردم شماری بیورو کا اندازہ ہے کہ عالمی آبادی ستمبر 2023 کو مخصوص حد سے تجاوز کر چکی تھی۔ادارے نے بیان میں نشاندہی کی کہ اقوام متحدہ کا اندازہ ہے کہ آبادی کی تعداد 10 ماہ قبل ہی مخصوص حد سے آگے نکل چکی تھی، 22 نومبر 2022 کو 8ارب کا دن قرار دیا گیا تھا۔اس فرق کی وجہ یہ ہے کہ مختلف ممالک لوگوں کو مختلف طریقے سے گنتے ہیں یا بالکل نہیں گنتے۔ بہت سے لوگوں کے پاس پیدائش اور اموات کو ریکارڈ کرنے کا نظام نہیں ہے۔
مردم شماری بیورو کے مطابق سب سے زیادہ آبادی والے چند ممالک جیسے کہ بھارت اور نائیجیریا میں ایک دہائی سے زیادہ عرصے سے مردم شماری نہیں ہوئی۔اگرچہ دنیا کی آبادی میں تیزی سے اضافہ ہو رہا ہے اور رواں صدی کے آغاز کے بعد سے آبادی کی تعداد 6 ارب سے بڑھ کر 8 ارب ہو چکی ہے لیکن 1960 اور 2000 کے درمیان دگنی ہونے کے بعد اب یہ شرح سست پڑ گئی ہے۔
The world #population is estimated at 8 billion.
— U.S. Census Bureau (@uscensusbureau) November 9, 2023
Global population estimates vary, but trends are clear: Population growth is slowing.
Visit #AmericaCounts to read more about global population estimates and trends.
▶️ https://t.co/zlK7YwAi1n#CensusData pic.twitter.com/2PcdXy9cf3
طویل عمر والے افراد کی تعداد بڑھ گئی ہے اور یہ آبادی میں اضافے کی بڑی وجہ ہے۔ اس وقت دنیا میں اوسط عمر 32 سال ہے جس میں مسلسل اضافہ ہو رہا ہے۔ توقع ہے کہ 2060 تک اوسط عمر 39 سال تک پہنچ جائے گی۔کینیڈا جیسے ممالک میں بڑھاپے تک پہنچنے والے افراد کی تعداد زیادہ اور ان میں اموات کی شرح کم ہے جبکہ نائیجیریا جیسے ممالک میں5سال سے کم عمر کے بچوں کی اموات میں کمی دیکھی گئی ہے۔
دریں اثنا شرح پیدائش یا بچے پیدا کرنے کی عمر کی خواتین کے ہاں کم بچے پیدا ہو رہے ہیں۔ یہ شرح پیدائش اس سطح سے کم ہے جو موجودہ آبادی کی جگہ لینے کے لیے ضروری ہے۔ ایسا دنیا بھر میں ہو رہا ہے۔ یہی وجہ ہے کہ 50 سال سے زیادہ عرصے سے مجموعی آبادی میں اُتنا اضافہ نہیں ہو رہا جتنا ہو رہا تھا۔ماہرین آبادی کا کہنا ہے کہ دنیا کی آبادی میں استحکام کے لیے باپ اور ماں دونوں کی جگہ لینے کے لیے ایک جوڑے کے ہاں1 یا 2 بچے پیدا ہونا ضروری ہے لیکن تقریباً تین چوتھائی لوگ اس وقت ان ممالک میں رہ رہے ہیں جہاں شرح پیدائش اس سطح کے قریب یا اس سے کم ہے۔
وہ ملک جہاں شرح پیدائش موجودہ آبادی کی جگہ لینے کے لیے ضروری سطح کے قریب ہے ان میں تیونس اور ارجنٹائن شامل ہیں۔تقریباً 15 فیصد لوگ ایسے مقامات پر رہتے ہیں جہاں شرح پیدائش دنیا کی موجودہ آبادی کی جگہ لینے کے لیے درکار سطح سے نیچے ہے۔ کم شرح پیدائش والے ممالک میں برازیل، میکسیکو، امریکا اور سویڈن شامل ہیں جبکہ بہت کم شرح پیدائش والے ممالک میں چین، جنوبی کوریا اور سپین شامل ہیں۔اسرائیل، ایتھوپیا اور پاپوا نیو گنی ان ممالک میں شامل ہیں جہاں شرح پیدائش موجودہ آبادی کی جگہ لینے کے لیے ضروری سطح یعنی پانچ سے زیادہ ہے۔
ایسے ممالک میں دنیا کی آبادی کا تقریباً ایک چوتھائی حصہ رہتا ہے۔دنیا کی صرف چار فیصد آبادی ایسے ممالک میں رہتی ہے جہاں شرح پیدائش پانچ سے زیادہ ہے۔ یہ سب لوگ افریقہ میں رہتے ہیں۔ادارہ مردم شماری کے مطابق 2060 تک عالمی سطح پر شرح پیدائش میں کمی کا امکان ہے اور اس وقت تک کسی بھی ملک میں یہ شرح چار سے زیادہ نہیں ہوگی۔
پاکستان
گرین پاکستان انیشیٹو کے تحت زرعی مقاصد کے لیے 4.8 ملین ایکڑ اراضی کی نشاندہی
گرین پاکستان انیشیٹو کا بنیادی مقصد جدید کارپوریٹ فارمنگ کے ساتھ ساتھ چھوٹے کسانوں کی مدد کرنا ہے، جو پاکستان کے زرعی شعبے کا پچانوے فیصد ہیں
![گرین پاکستان انیشیٹو کے تحت زرعی مقاصد کے لیے 4.8 ملین ایکڑ اراضی کی نشاندہی](/media/117534/conversions/Jun-22-2024-09.37.30_sifc-green-1280x720.jpg)
گرین پاکستان انیشیٹو کے تحت زرعی مقاصد کے لیے 4.8 ملین ایکڑ اراضی کی نشاندہی کی گئی ہے۔
تفصیلات کے مطابق اب تک 0.9 ملین ایکڑ اراضی الاٹ کی جا چکی ہے جس میں پنجاب میں 811,619 ایکڑ، سندھ میں 52,713 ایکڑ، بلوچستان میں 47,606 اور خیبرپختونخوا میں 74,140 ایکڑ اراضی شامل ہے۔
چولستان میں کارپوریٹ فارمنگ شروع ہو چکی ہے اور اب تک دو لاکھ ایکڑ اراضی کا معاہدہ ہو چکا ہے۔
گرین پاکستان انیشیٹو کا بنیادی مقصد جدید کارپوریٹ فارمنگ کے ساتھ ساتھ چھوٹے کسانوں کی مدد کرنا ہے، جو پاکستان کے زرعی شعبے کا پچانوے فیصد ہیں۔
گرین ایگری مال کسانوں کو کھاد، بیج اور دیگر زرعی مواد فراہم کرنے کا ایک ون اسٹاپ سینٹر ہے۔ اگلے دو سالوں میں ملک بھر میں ڈھائی سو مزید گرین ایگری مالز قائم کیے جائیں گے۔
گرین پاکستان واٹر مینجمنٹ زرعی پانی کے بہتر انتظام کے لیے اقدامات کر رہی ہے اور زیر زمین پانی کے ذخائر کے تحفظ کے لیے قوانین متعارف کروا رہی ہے۔
پاکستان
پی ٹی آئی کا کل جلسہ پر امن ہو گا ، پورے پاکستان سے قافلے روانہ ہوگئے ، علی محمدخان
انھوں نے میڈیا سے گفتگو میں مزید کہا کہ 8 ستمبرکے جلسے سے بانی پی ٹی آئی کی بہت توقعات ہیں
![پی ٹی آئی کا کل جلسہ پر امن ہو گا ، پورے پاکستان سے قافلے روانہ ہوگئے ، علی محمدخان](/media/117521/conversions/1368736_031711_updates-1280x720.jpg)
پی ٹی آئی کے رہنما علی محمد خان کا کہنا ہے کہ پاکستان تحریک انصاف کا کل ہونے والا جلسہ پرامن ہوگا۔ جلسے کے لیے ملک بھرسے قافلے نکل رہے ہیں۔
تفصیلات کے مطابق پاکستان تحریکِ انصاف کے رہنما علی محمد خان نے میڈیا سے گفتگو کرتے ہوئے کہا کہ یہ ملک بھی ہمارا ہے اور فوج بھی ہماری ہے۔ جلسے کے لیے سندھ اور پنجاب سے قافلے نکل چکے ہیں۔ ہمارا سیاسی اختلاف اصولی ہے۔
علی محمد خان نے کہا کہ پی ٹی آئی کا صوابی میں جلسہ تاریخی تھا۔ پرامن رہنا ہے کسی کو اشتعال میں نہیں آنا چاہیے۔ آئین کی حکمرانی ہوگی تو بانی پی ٹی آئی جیل سے باہرآئیں گے۔
رہنما پی ٹی آئی نے کہا کہ تحریک انصاف کا کل ہونے والا ہمارا جلسہ پرامن ہوگا، سیاست میں اداروں کی مداخلت نہیں ہونی چاہیے۔ عام انتخابات میں ہمارے مینڈیٹ پر ڈاکا ڈالا گیا۔
انھوں نے میڈیا سے گفتگو میں مزید کہا کہ 8 ستمبرکے جلسے سے بانی پی ٹی آئی کی بہت توقعات ہیں، ہماراہرووٹر، سپورٹرفرنٹ لائن کا سپاہی ہے، ہمارا ہر ووٹراور سپورٹرفوج کے ساتھ کھڑا ہے۔
پاکستان
اسرائیلی اخبار نے عمران خان کو اسرائیل اور پاکستان کے درمیان تعلقات کیلئے موزوں قرار دے دیا
اسرائیلی اخبار میں شائع کالم کے مطابق پاکستان طویل عرصے سے فلسطینیوں کی تحریک آزادی کا دیگر اسلامی ممالک کے مقابلے میں مضبوط ترین حامی رہا ہے
![اسرائیلی اخبار نے عمران خان کو اسرائیل اور پاکستان کے درمیان تعلقات کیلئے موزوں قرار دے دیا](/media/117511/conversions/378811_7613944_updates-1280x720.jpg)
ااسرائیل کے نامور اخبار نے بانی چیئرمین پاکستان تحریک انصاف عمران خان کو اسرائیل اور پاکستان کے درمیان تعلقات کے لیے موزوں ترین شخصیت قرار دے دیا۔
اسرائیلی اخبار میں شائع کالم کے مطابق پاکستان طویل عرصے سے فلسطینیوں کی تحریک آزادی کا دیگر اسلامی ممالک کے مقابلے میں مضبوط ترین حامی رہا ہے، ٹائمز آف اسرائیل کے مطابق بطور وزیراعظم عمران خان نے عوامی سطح پر بارہا فلسطین کی مکمل حمایت کا اعلان کیا اور اسرائیلی حملوں کی شدید الفاظ میں مذمت کرتے ہوئے صیہونی ریاست کے پاکستان کے ساتھ تعلقات معمول پر آنے کے نظریے کی مخالفت کی اور کہا کہ جب تک فلسطین کا معاملہ حل نہیں ہوتا تو اس وقت تک پاکستان اور اسرائیل کے تعلقات بحال نہیں ہو سکتے۔
اس کی جڑیں پاکستانی معاشرے اور آئین میں رچی بسی ہیں اور پاکستان نے ہمیشہ اقوام متحدہ سمیت ہر بین الاقوامی فورم پر فلسطینیوں کی سیاسی، اخلاقی اور سفارتی حمایت کی ہے۔
تفصیلات کےمطابق ٹائمز آف اسرائیل کے آرٹیکل کے مطابق بانی پی ٹی آئی کے گولڈ اسمتھ فیملی سے رشتہ داری خاص طور پر جمائمہ گولڈ اسمتھ سے ازدواجی تعلق ایک حقیقت ہے۔
اخبار میں یہ بھی دعوی کیا گیا ہے کہ بانی پی ٹی آئی اسرائیل اور پاکستان کے تعلقات کی موجودہ نوعیت کو بدل سکتے ہیں۔
اسرائیلی اخبار نے بانی چیئرمین پاکستان تحریک انصاف عمران خان کو اسرائیل اور پاکستان کے درمیان تعلقات کے لیے موزوں شخصیت قرار دیتے ہوئے کہا کہ پی ٹی آئی کے مدت اقتدار میں خارجہ تعلقات میں عملی نقطہ نظر کو اپنایا گیا۔
اخبار کے مطابق عمران خان اسرائیل کے بارے میں پاکستان کے مؤقف پر نظرثانی کے لیے زیادہ کھلے ہو سکتے ہیں، اسرائیل اور اتحادیوں کو یقینی بنانا چاہیے ۔
-
تجارت 15 گھنٹے پہلے
سونے کی قیمت میں فی تولہ 2 ہزار روپے کی کمی!
-
تجارت 2 دن پہلے
عالمی منڈی میں پیٹرول کی قیمتوں میں مزید کمی
-
تجارت 2 دن پہلے
سونے کی قیمتوں میں 2 روز مسلسل کمی کے بعد اضافہ
-
پاکستان ایک دن پہلے
سپریم کورٹ نے نیب ترامیم بحال کر دیں
-
پاکستان 2 دن پہلے
پی ٹی آئی کو 8 ستمبر کو اسلام آباد میں جلسہ کرنے کی اجازت مل گئی
-
پاکستان 13 گھنٹے پہلے
بانی پی ٹی آئی نے عمرا یوب کا استعفی کا منظور کر لیا
-
پاکستان 12 گھنٹے پہلے
اسرائیلی اخبار نے عمران خان کو اسرائیل اور پاکستان کے درمیان تعلقات کیلئے موزوں قرار دے دیا
-
دنیا ایک دن پہلے
امریکی صدر کے بیٹے ہنٹر بائیڈن کا ٹیکس چوری کا اعتراف