چیئرمین پی ٹی آئی بیرسٹرگوہرنے کہا ہے کہ بانی پی ٹی آئی نے احتجاج کے دوران رینجرز اہلکاروں اورکارکنوں کی شہادتوں پر اظہار افسوس کیا۔

چیئرمین پی ٹی آئی بیرسٹرگوہرکا اڈیالہ جیل کےباہرمیڈیا سے گفتگو کرتے ہوئے کہنا تھا کہ شہادتوں کی بانی پی ٹی آئی نے مذمت کی ہے، عمران خان نے کہا کہ شہدا کیلئے قرآن خوانی کی جائے۔

انہوں نے کہا کہ بانی پی ٹی آئی نے ساری قیادت پراعتماد کا اظہارکیا، عمران خان نے ہدایت کی ہے کہ پارٹی میں اتحاد قائم رکھیں، مخالفین جماعت کے اندر تفرقہ ڈال رہےہیں ، چیئرمین پی ٹی آئی کا کہنا تھا کہ بانی پی ٹی آئی نے پنجاب کےایم این ایز،ایم پی ایزکوخراج تحسین پیش کیا، اگلےلائحہ عمل کا اعلان عمران خان بعد میں کریں گے۔

بیرسٹرگوہر نے مزید کہا کہ بانی کا کہنا تھا احتجاج میں گولی نہیں چلنی چاہیےتھی، گولی جہاں سے بھی چلی اس کی مذمت کرتےہیں ۔ 

جبکہ صحت کے حوالے سے انہوں نے کہا کہ عمران خان کی صحت ٹھیک ہیں، بانی پی ٹی آئی نے کہا ہے کہ پارٹی کےلوگ بہترین کام کررہےہیں۔

ترجمان دفتر خارجہ کا کہنا ہے کہ وزیر اعظم کل “ون واٹر سمٹ” میں شرکت کیلئے ریاض جائیں گے۔

 ترجمان دفتر خارجہ کا کہنا ہے کہ سعودی عرب، فرانس، قازقستان اور عالمی بینک کی مشترکہ سمٹ کا مقصد عالمی تعاون کو فروغ دینا ہے، سربراہی اجلاس میں وزیر اعظم  گول میز اجلاس سے خطاب کریں گے، انہوں نے کہا کہ اجلاس میں تازہ پانی کے وسائل اور آبی زمینوں کے تناظر میں بحالی اور تحفظ پر توجہ دی جائے گی، وزیر اعظم آب و ہوا سے پیدا ہونے والے سیلابوں، آبی وسائل اور ماحولیاتی نظام پر گرمی کے دباؤ کے اثرات سے نمٹنے کے لیے بین الاقوامی تعاون کی اہمیت پر زور دیں گے۔

ترجمان دفتر خارجہ کا کہنا ہے کہ وزیراعظم آبی وسائل کے پائیدار انتظام کے لیے بامعنی بین الاقوامی تعاون پر بھی زور دیں گے، سربراہی اجلاس کے موقع پر وزیراعظم کی دو طرفہ ملاقاتیں اور مصروفیات بھی متوقع ہیں۔

وزیراعظم شہبازشریف نے کہا ہے کہ حکومت کی جاری کوششوں کی بدولت مہنگائی میں کمی آئی ہے اور اب ترقی پر توجہ مرکوز کرنے کی ضرورت ہے۔

انہوں نے آج(پیر کو) اسلام آباد میں وفاقی کابینہ کے اجلاس کی صدارت کرتے ہوئے کہا کہ یہ ایک اچھی خبر ہے کہ مہنگائی کی شرح چار اعشاریہ نوفیصد پر آگئی ہے جو گزشتہ سترماہ کے دوران کم ترین ہے ، وزیراعظم نے یقین ظاہر کیا کہ مہنگائی میں کمی سے عام آدمی پر بوجھ کم ہوگا۔

شہبازشریف نے کہا کہ اسلام آباد میں حالیہ احتجاج کے نتیجے میں غیر یقینی صورتحال اور انتشار سے پاکستان سٹاک ایکسچینج بری طرح متاثر ہوئی جس میں تین ہزار پوائنٹس کی کمی واقع ہوئی۔

انہوں نے توقع ظاہر کی کہ مہنگائی کی شرح میں کمی کے نتیجے میں سٹیٹ بنک آف پاکستان پالیسی ریٹ میں کمی آئے گی۔

انہوں نے کہاکہ وفاقی دارلحکومت میں صورتحال معمول پر آنے کے بعد اگلے ہی روز سٹاک ایکسچینج میں دوبارہ کاروبار میں تیزی دیکھی گئی۔

انہوں نے معیشت کی بہتری کیلئے برآمدات، ترسیلات زر اور پیداوار میں اضافے، مقامی صنعت کو مضبوط کرنے، روزگار کے مواقع پیدا کرنے اور خصوصی اقتصادی زونز کی ترقی کیلئے مختلف شعبوں میں سخت محنت کرنے پر زور دیا۔

وزیراعظم نے مربوط حکمت عملی کے ساتھ ترقی کی جانب بڑھنے پر زور دیا تاکہ معاشی استحکام کے ساتھ مجموعی ملکی پیداوار میں بہتری لائی جاسکے۔