پاکستان
غزہ میں جنگ اب انسانیت کی جنگ بن چکی ہے، چیئرمین پاکستان علماء کونسل
فلسطین میں تمام مذاہب کے لوگوں کو نشانہ بنایا جارہا ہے، معاون خصوصی برائے نگران وزیر اعظم طاہر اشرفی
![غزہ میں جنگ اب انسانیت کی جنگ بن چکی ہے، چیئرمین پاکستان علماء کونسل](/media/85956/conversions/tahir-1-1280x720.jpg)
نگران وزیر اعظم کے معاون خصوصی و چیئرمین پاکستان علماء کونسل حافط محمد طاہر محمود اشرفی نے کہا ہے کہ غزہ میں جنگ اب انسانیت کی جنگ بن چکی ہے، فلسطین میں تمام مذاہب کے لوگوں کو نشانہ بنایا جارہا ہے ، اس بربریت کو فوری بند ہونا چاہئے۔
قومی کمیشن برا ئے بین المذاہب مکالمہ اور انٹرنیشنل انٹر فیتھ ہارمنی کونسل کے زیر اہتمام کیتھیڈرل چرچ لا ہور میں منعقدہ یکجہتی فلسطین کانفرنس سے خطاب کرتے ہوئے طاہر اشرفی نے کہا کہ اس جنگ میں اب تک 11 ہزار سے زیادہ فلسطینی شہید ہو چکے ہیں جس میں 4 ہزار سے زیادہ بچے شامل ہیں، فلسطین کے ہسپتالوں میں ہزاروں ز خمی شہری زندگی اور موت کی کشمکش میں مبتلا ہیں ۔
انہوں نے کہا کہ یو این او کی رپورٹ کے مطا بق تین لاکھ افراد غزہ میں ادویا ت ، غذا اور خو راک سے محروم ہیں۔ غزہ میں عالمی اداروں کے دفا تر،چر چز اور ہسپتالوں کو بری طرح جارحیت کا نشانہ بنایا جا رہا ہے جو کہ جنگی قوا نین کی کھلی خلاف وررزی ہے، عا لمی برادر ی کو اس بربریت کا نو ٹس لینا چا ہیے۔
طاہر اشرفی نے کہا کہ پاکستان کے تمام مذاہب کے قائدین اس تاریخی چرچ سے اپیل کر تے ہیں کہ جنگ بندی کر کے غزہ میں امدادی سرگرمیاں فوری بحا ل کی جائیں۔ اقوام متحدہ سمیت تمام عالمی ادارے بھی جنگ بندی کی اپیل کر رہے ہیں،گز شتہ دنوں برطانیہ میں فلسطینیوں کے حق میں مظا ہر ےمیں لاکھوں افراد نے شرکت کی ،وہ سب مسلمان نہیں تھے بلکہ ان میں یہودی بھی شا مل تھے ہیں کیو نکہ یہ جنگ اب انسانیت کی جنگ بن چکی ہے ۔
انہوں نے کہا کہ او آئی سی اجلاس کے بعد جنگ بندی کیلئے سفارتی کوششیں تیز ہوئی ہیں، ہم پوپ فرانسس کے امن مطالبے کا بھی خیر مقدم کرتے ہیں ۔ انہوں نے کہا کہ ہم سمجھتے ہیں کہ تین چیزیں اس وقت بہت اہم ہیں ایک فوری جنگ بندی، دورے امدادی سرگرمیوں کی بحا لی اور تیسرے آزاد خود مختار فلسطینی ریاست کا قیام جس کا دارالخلافہ القدس شریف ہو۔
انہوں نے کہا کہ اس وقت پوری دنیا اور خا ص طور پر وہ یورپی ممالک جو اسرائیل کے ساتھ کھڑے تھے اب کہہ رہے ہیں کہ ظلم و ستم کی انتہا ہو گئی ہے، اب اسرائیل کو یہ ظلم و ستم بند کرنا چاہیے ، لہذا یو این او،امریکا اوراو آئی سی تمام عا لمی اداروں کو یہ جنگ بند کر وانی چا ہیے۔ اس مو قع پر آرچ بشپ سبیسٹین فرا نس شا ئ،سید کا ظم نقوی اور مو لا نا عا صم مخدوم دیگر قائدین نے بھی خطا ب کیا۔
علاقائی
لاہور کے مختلف علاقوں میں موسلا دھار بارش
بارش کے باعث متعدد شاہراہیں وزیر آب آگئیں، سڑکیں تالاب کا منظر پیش کرنے لگیں ، جبکہ مختلف شاہراہوں پر ٹریفک کی روانی متاثر ہونے لگی، جس کے باعث شہریوں شدید مشکلات کا سامنا ہے
![لاہور کے مختلف علاقوں میں موسلا دھار بارش](/media/116973/conversions/download-1280x720.jpg)
لاہور کے مختلف علاقوں میں وقفے وقفے سے بارش کا سلسلہ جاری ہے، بارش کے باعث سڑکیں تالاب کا منظر پیش کرنے لگیں جبکہ متعدد علاقوں کی بجلی بھی غائب ہوگئی ہیں ۔
تفصیلات کےمطابق گلبرگ ،جیل روڈ ، مال روڈ ، گارڈن ٹاؤن ، ریگل چوک، مزنگ ،باغبانپورہ ،کیولری انڈرپاس، نیو کیمپس، اچھرہ، رحمان پورہ ،مسلم ٹاؤن ،وحدت کالونی ،اقبال ٹاؤن ،ٹھوکر نیاز بیگ ،علی ٹاؤن ،رائے ونڈ میں تیز بارش ، بارش سے گرمی اور حبس کا زور ٹوٹ گیا ۔
فرخ آباد ،سٹی سب ڈویژن ،قرطبہ چوک، شاد باغ،مزنگ ،نابھہ،لکشمی چوک ،شیرانولہ کے اطراف بھی بارش کا سلسلہ جاری ہے، سبزہ زار، گڑھی شاہو، ڈیوس روڈکےاطراف، کوٹ لکھپت،ٹاؤن شپ،پنڈی سٹاپ،ماڈل ٹاؤن، قائداعظم انڈسٹری اسٹیٹ میں بھی بارش کا سلسلہ جاری ہے۔
بارش کے باعث متعدد شاہراہیں وزیر آب آگئیں، سڑکیں تالاب کا منظر پیش کرنے لگیں ، جبکہ مختلف شاہراہوں پر ٹریفک کی روانی متاثر ہونے لگی، جس کے باعث شہریوں شدید مشکلات کا سامنا ہے۔
وزیر اعلیٰ پنجاب مریم نواز شریف کی خصوصی ہدایات پر ایم ڈی واسا غفران احمد نے واسا لاہور کو متحرک رہنے کی ہدایات جاری کیں ہیں۔
ایم ڈی واسا غفران احمد کا کہناہے مون سون ایمرجنسی کیمپ پر تمام سٹاف و مشینری مکمل الرٹ ہیں، تمام ڈسپوزل اسٹیشنز کی سکرینوں کو مکمل صاف رکھنے کی ہدایات جاری کردی ہیں،تمام افسران و عملہ فیلڈ میں موجود ہے، تمام مرکزی شاہراہوں اور انڈر پاسز کو مکمل کلیئر رکھنے کی ہدایات دی گئیں ہیں۔
ایم ڈی واسا غفران احمد نے تمام شاہراہوں اور انڈر پاسز کو کلیئر رکھنے کی ہدایات تمام مون سون ایمرجنسی کیمپس پر سٹاف و مشینری متحرک رکھنے کی ہدایات جاری کردی ہے۔
دوسری جانب ترجمان موٹروےپولیس سید عمران احمد کا کہنا ہے موٹروے ایم 2 ،3، اور لاہور سیالکوٹ ،ایم 2پر ٹھوکر، کوٹ عبدالمالک، فیض پور اور شیخوپورہ ،ایم 3 پر لاہور سے جڑانوالا اور لاہور سیالکوٹ موٹروے پر بارش کا سلسلہ جاری ہے ۔
ایڈیشنل آئی جی علی احمد صابر کیانی کی ہدایات پر بارش میں محفوظ ڈرائیونگ پر آگہائی مہم جاری ، بارش کے باعث روڈ پر پھسلن موجود ہے ، بارش کے دوران ڈرائیونگ میں زیادہ احتیاط سے گاڑی چلائیں ،تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں۔
دنیا
اسرائیلی جنگی جارحیت جاری ، مزید 47فلسطینی شہید
اسرائیلی حملوں میں شہدا کی مجموعی تعداد 40 ہزار 786ہو چکی ہے جبکہ 94 ہزار 224 فلسطینی زخمی ہوئے
![اسرائیلی جنگی جارحیت جاری ، مزید 47فلسطینی شہید](/media/116969/conversions/l_357788_065359_updates-1280x720.jpg)
اسرائیلی فوج کی غزہ اور مقبوضہ مغربی کنارے میں بربریت جاری، 24 گھنٹے میں صیہونی فوج نے غزہ پر حملے کر کے 47 فلسطینی شہید، 94 زخمی کر دیئے۔
دیرالبلاح میں گاڑی پر اسرائیلی حملے سے 4 فلسطینی، سکول پر بمباری سے 11 افراد شہید ہوئے، صیہونی فورسز کی مغربی کنارے میں وحشیانہ کارروائیوں میں شہدا کی تعداد 29 ہوگئی۔
مقبوضہ علاقے سے مزید 36 افراد گرفتار، خوراک اور پانی کی سپلائی منقطع کر دی گئی، مغربی کنارے کے علاقے جینن میں 2 اور ہیبرون میں ایک فلسطینی شہید ہوا۔
اسرائیلی حملوں میں شہدا کی مجموعی تعداد 40 ہزار 786ہو چکی ہے جبکہ 94 ہزار 224 فلسطینی زخمی ہوئے۔
پاکستان
نیدرلینڈ میں مذہبی جماعتوں کے قائدین کے خلاف اسلام مخالف گیرٹ وائلڈرز کے قتل کی ترغیب پر کارروائی
حافظ سعد حسین رضوی اور ڈاکٹر محمد اشرف جلالی کے خلاف مقدمہ ان کی غیرحاضری میں چلایا جارہا ہے
![نیدرلینڈ میں مذہبی جماعتوں کے قائدین کے خلاف اسلام مخالف گیرٹ وائلڈرز کے قتل کی ترغیب پر کارروائی](/media/116954/conversions/02201654d965a9f-1280x720.jpg)
تحریک لبیک پاکستان (ٹی ایل پی) کے سربراہ حافظ سعد حسین رضوی اور ان کی جماعت سے علیحدگی اختیار کرنے والے دھڑے تحریک لبیک یا رسول اللہ کے سربراہ ڈاکٹر محمد اشرف جلالی کے خلاف ہالینڈ کی ایک اعلیٰ سکیورٹی عدالت میں مقدمہ چلایا گیا، دونوں پر لوگوں کو مشتعل کرنے اور انتہائی دائیں بازو کے اسلام مخالف ڈچ رہنما گیرٹ وائلڈرز کے قتل کی ترغیب کا الزام ہے۔
غیر ملکی خبر رساں ادارے کے مطابق ڈچ پراسیکیوٹرز نے 56 سالہ محمد اشرف جلالی پر اپنے پیروکاروں سے وائلڈرز کو قتل کرنے کی ترغیب کا الزام عائد کیا ہے۔ جبکہ سعد رضوی پر پیروکاروں کو وائلڈرز کو قتل کرنے کی ترغیب دینے کا شبہ ہے۔
خیال رہے کہ ڈچ عدالت اس سے پہلے پاکستانی کرکٹر خالد لطیف پر بھی اسی طرح کا مقدمہ چلا کر انہیں سزا سنا چکی ہے۔ دونوں مذہبی جماعتوں کے رہنماؤں کے خلاف مقدمہ ان کی غیرحاضری میں چلایا جارہا ہے۔
اس حوالے سے وائلڈرز نے کہا کہ ’’اس کیس نے مجھ پر اور میرے خاندان پر بہت زیادہ اثر ڈالا ہے، میں اس عدالت سے ایک مضبوط سگنل بھیجنے کے لیے کہہ رہا ہوں کہ اس ملک میں فتویٰ طلب کرنا ناقابل قبول ہے۔‘
مقدمے کی سماعت ایمسٹرڈیم کے شیفول ہوائی اڈے کے قریب ایک انتہائی محفوظ کورٹ ہاؤس میں ہوئی۔ڈچ حکام نے پاکستان سے مشتبہ افراد سے پوچھ گچھ کرنے اور انہیں عدالت میں پیش کرنے کے لیے قانونی مدد کی درخواست کی۔
تاہم، باہمی قانونی معاونت کے لیے پاکستان کے ساتھ کوئی معاہدہ موجود نہیں ہے اور دونوں افراد کٹہرے میں پیش نہیں ہوئے۔ نہ ہی کسی آدمی کے پاس قانونی نمائندگی موجود تھی۔
واضح رہے کہ گیرٹ وائلڈرز نے اگست 2018 میں رسول اللہ ﷺ کے گستاخانہ خاکوں کے مقابلے کا اہتمام کرنے کی کوشش کی تھی۔ جس پر گزشتہ سال ستمبر میں، نیدرلینڈ ججوں نے خالد لطیف کو وائلڈرز کے قتل پر اکسانے کے جرم میں 12 سال قید کی سزا سنائی تھی۔
پاکستان میں مظاہرے پھوٹ پڑنے کے بعد وائلڈرز نے مقابلہ منسوخ کر دیا اور اسے جان سے مارنے کی دھمکیاں دی گئیں
پبلک پراسیکیوٹر نے اشرف جلالی کو 14 سال قید کی سزا سنانے کا مطالبہ کیا ہے۔ جبکہ سعد رضوی کے خلاف سماعت کا فیصلہ 9 ستمبر کو متوقع ہے۔
-
تجارت 2 دن پہلے
ملک بھر میں سونے کی قیمتوں میں اضافہ
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
دنیا 2 دن پہلے
ٹرمپ کی فیس بک کے بانی مارک زکر برگ کو جیل میں ڈالنے کی دھمکی
-
دنیا 15 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
دنیا 12 گھنٹے پہلے
پاکستان کی بھارت کو شنگھائی تعاون تنظیم اجلاس میں شرکت کیلئے دعوت
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان
-
تجارت 11 گھنٹے پہلے
ڈالر مزید مہنگا ، روپے کی قدر میں مزید کمی
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف