کانگو وائرس کے خطرات کے پیش نظر سول اسپتال کوئٹہ میں وارڈ سروسز معطل

کانگو کے خطرات کے پیش نظر سول اسپتال کوئٹہ میں ایمرجنسی وارڈ اور شعبہ حادثات کے علاوہ باقی وارڈ سروسز معطل کر دی گئی۔

وارڈ سروسز ملتوی ہونے کی وجہ سے صوبے کے دوسرے اضلاع سے آنے والے مریضوں کو شدید مشکلات کا سمانا ہے، مریضوں سے جلد ازجلد حکام سے وارڈ سروسز کھولنے کا مطالبہ کیا ہے۔

کوئٹہ میں کانگو وائرس سے جہاں دیگر شعبے متاثر ہیں وہیں صوبے کا واحد سرکاری ہسپتال جہاں صوبے کے تمام اضلاع سے مریضوں کا لایا جاتا ہے لیکن وائرس کی وجہ سے سول ہسپتال حکام نے ایمرجنسی وارڈ اور شعبہ حادثات کے علاوہ باقی تمام وارڈز کی سروسز کو غیر معینہ مدت کےلئے بند کر دیا ہے۔

ڈاکٹرز بھی کانگو وائرس کے خوف سے سروسز دینے پر آمادہ نہیں ہیں۔ ڈاکٹرز کی طرف سے موقف اختیار کیا جا رہا ہے کہ جب تک متاثرہ شعبہ جات کو مکمل طور پر ڈس انفکٹ نہیں کیا جاتا وہ ہسپتال میں سروسز نہیں دے سکتے۔

ہسپتال کے او پی ڈی مریضوں کو شعبہ حادثات میں لایا جا رہا ہے۔ شعبہ حادثات کے ڈاکٹرز کی طرف سے بھی یہی موقف اختیار کیا جا رہا ہے کہ شہر میں کسی بھی قسم کی ایمرجنسی کی صورت میں انہیں مشکلات پیش آ سکتی ہیں۔