شیخ زید ہسپتال میں دمہ کے عالمی دن پر آگاہی واک کا اہتمام

شیخ زید ہسپتال میں دائمی دمہ کے عالمی دن ( سی او پی ڈی ) کے موقع پر آگاہی واک کا اہتمام کیا گیا جسکا کا مقصد عوام میں سانس کی نالیوں سے پیدا ہونے والے امراض کو اجاگر کرتے ہوئے احتیاط برتنے کے لئے شعور بیدار کرنا ہے ۔

پرنسپل شیخ زيد میڈیکل کالج و ہسپتال رحیم یار خان ڈاکٹر محمّد سلیم لغاری ، آگہی واک میں شیخ زيد ہسپتال میں تعینات پامونلوجی ڈیپارٹمنٹ و دیگر ڈاکٹرز کثیر تعداد موجود تھے۔رحیم یار خان کے شیخ زايد ہسپتال میں شعبہ تپ دق و امراض سینہ کے ہیڈ آف ڈیپارٹمنٹ ڈاکٹر عمران بشیر کی قیادت میں آگہی واک کا اہتمام کیا گیا جس میں پرنسپل شیخ زايد ہسپتال میڈیکل کالج و ہسپتال پروفیسر ڈاکٹر محمد سلیم لغاری نے خصوصی شرکت کی ۔

اس موقع پر انہوں نے کہا کہ دنیا میں اس وقت ماحولیاتی مسائل کی وجہ سے سانس کی بیماریاں بہت تیزی سے پھیل رہی ہیں اور پاکستان میں سموگ و فیکٹریوں سے نکلنے والے زہریلے دھوئیں کیمیکل سے شہری سانس کی بیماریوں میں مبتلا ہو ر ہے ہیں جس کے لئے آج پوری دنیا میں اس حوالے سے عوام میں شعور اجاگر کرنے کے لئے پروگرامز و سیمینارز کا انعقاد کیا جا ہے۔