سعودی عرب میں عربی بولنے والے طوطوں کی قیمت 15 ہزار ریال سے تجاوز کر گئی

ریاض: سعودی عرب میں عربی بولنے والے طوطوں کی قیمت 15 ہزار ریال سے تجاوز کر گئی۔

سعودی نیوز ایجنسی کے مطا بق مارکیٹ میں طلب بڑھنے سے قیمت میں بھی اضافہ دیکھنے میں آرہا ہے۔ پالتو پرندوں کے تربیتی امور کے ماہر علی الخضیر نے جو جانوروں کی نگہداشت پر کام کرنے والی فلاحی انجمن ’رحمہ‘ کے ممبر بھی ہیں۔

انہوں نے کہا کہ دنیا میں سب سے مہنگا طوطا ’ہائی سینس مکاؤ‘ ہے جسے یاقوتی مکاؤ بھی کہا جاتا ہے اس کی قیمت 90 ہزار ریال سے زیادہ ہے۔ انہوں نے مختلف بولیاں بولنے والے پرندوں کے مہنگے ہونے کی وجہ بیان کرتے ہوئے کہا کہ ان پر اچھی خاصی لاگت آتی ہے۔

سعودی عرب میں پالتو جانوروں کے کاروبار کا حجم ساڑھے چار ارب ریال کا ہے۔ سعودی دارالحکومت ریاض میں پالتو جانوروں اور ان کی ادویات کی دوسری نمائش ایک روز قبل ہی اختتام پذیر ہوئی ہے جسے دیکھنے کے لیے 12 ہزار سے زیادہ شائقین پہنچے تھے۔