کے ایم یو حکام نے ایم ڈی کیٹ ٹیسٹ کا شیڈول جاری کردیا

میڈیکل اینڈ ڈینٹل ایڈمیشن ٹیسٹ(ایم ڈی کیٹ) امتحان پی ایم ڈی سی کی منظوری کے بعد بیک وقت صو بے کے سات شہروں پشاور،مردان،ایبٹ آباد،سوات، چکدرہ، کوہاٹ اور ڈیرہ اسماعیل خان میں 26نومبرکو منعقد ہو گا۔

کے ایم یو حکام کے مطابق پشاورکے چارسنٹرز اسلامیہ کالجیٹ گراؤنڈ پشاور، ہاسٹل نمبر 2گراؤنڈ پشاور یونیورسٹی، پاکستان فاریسٹ انسٹی ٹیوٹ گراؤنڈ پشاور یونیورسٹی پبلک سکول بلمقابل پشاور یونیورسٹی، عبدالولی خان یونیورسٹی مردان،کے ایم یو آئی ایم ایس کوہاٹ، گومل میڈیکل کالج ڈی آئی خان، ایوب میڈیکل کالج ایبٹ اباد، یونیورسٹی آف ملاکنڈ چکدرہ اور یونیورسٹی آف سوات چارباغ شامل ہیں۔

کے ایم یو حکام کے مطابق خیبرپختونخوا میں پی ایم ڈی سی کے ذریعے رجسٹرڈ ہونے والے ہر امیدوار کے لیے لازمی ہے کہ وہ کےا یم یو کی افیشل ویب سائٹ (www.cas.kmu.edu.pk) میں اپنا مکمل نام اورقومی شناختی کارڈ ، پاسپورٹ یا ب فارم نمبر داخل کرکے مورخہ 17نومبر سےاپنا ایڈمٹ کارڈ رول نمبر سلپ ڈاؤن لوڈ کر کے پرنٹ لےسکتے ہیں ۔

کے ایم یو حکام کے مطابق امیدوارسیل فون، اسمارٹ ڈیجیٹل گھڑیاں، کیمرے، ہیڈ فون، بلوٹوتھ، قلم، پنسل، کلپ بورڈ، ربڑ، شارپنر، کیلکولیٹر، کتابیں یا نوٹ، بیگ، پرس، پاؤچ، دھاتی قلم، کریڈٹ کارڈ، بینک اے ٹی ایم کارڈ کو امتحانی مرکز میں لےجانے کی اجازت نہیں ہوگی۔

امیدواروں کو ہدایت کی گئی ہے کہ وہ ٹیسٹ شروع ہونے سے کم از کم ایک گھنٹہ قبل یعنی 7:30بجے صبح امتحانی مراکز پہنچ جائیں ، امتحانی مرکز کے داخلی دروازے صبح 09.30 بجے تک بند کر دیے جائیں گے اور امتحانی مراکز کو صبح 10 بجے سیل کر دیا جائے گا اس کے بعد کسی کو اندر جانے کی اجازت نہیں ہوگی۔ ٹیسٹ صبح ٹھیک 10:00 بجے شروع ہوگا اور 01:30 بجے ختم ہوگا۔ امید وار کے پاس اصل دستاویزات شناختی کارڈ، پاسپورٹ، فارم ب موجود ہونا چاہئے نیزفوٹو کاپیاں قابل قبول نہیں ہونگی۔

امتحانی مرکز میں داخلے سے پہلے امیدواروں کی جسمانی تلاشی لی جائے گی۔ والدین اور رشتہ داروں کو امتحانی مرکز کے احاطے کے اندر اور اس کے آس پاس جانے کی اجازت نہیں ہوگی۔ حکومت کی طرف سے لگائی گئی دفعہ 144 کے تحت، سیکورٹی وجوہات کی بنا پر مرکز کے باہر ان کے قیام کا کوئی انتظام نہیں ہوگا۔

کے ایم یو حکام کے مطابق امیدواروں کی کسی بھی اشیاء کو رکھنے کے لیے مراکز پر کوئی انتظام نہیں ہوگا۔ اگر کسی امیدوار کے پاس مذکورہ بالا ممنوعہ اشیاء خصوصاً موبائل فون سنٹر کے اندر پایا جائےتو اسے غیر قانونی ذرائع کا استعمال سمجھا جائے گا اور امیدوار کے خلاف قانون کے مطابق کارروائی ہوگی۔