لاہور دنیا کے آلودہ ترین شہروں میں پہلے نمبر پر ہے

لاہور: آج (ہفتہ) دنیا کے آلودہ ترین شہروں کی فہرست میں لاہور پہلے نمبر پر ہے۔

تفصیلات کے مطابق پراونشل ڈیزاسٹر مینجمنٹ اتھارٹی (پی ڈی ایم اے) نے سموگ کے باعث پنجاب کے 10 اضلاع میں سمارٹ لاک ڈاؤن نافذ کر دیا ہے۔

لاہور، ننکانہ صاحب، شیخوپورہ، قصور اور گوجرانوالہ کے ساتھ ساتھ گجرات، سیالکوٹ، نارووال، حافظ آباد اور منڈی بہاؤالدین میں سمارٹ لاک ڈاؤن ہوگا جس کے تحت نقل و حرکت پر پابندی ہوگی۔

حکام کے مطابق ان 10 اضلاع میں تمام سرکاری اور نجی اسکول، کالج اور یونیورسٹیاں بند رہیں گی۔

اس کے علاوہ بازار، دکانیں، جم، سینما اور دفاتر سہ پہر تین بجے کے بعد کھل جائیں گے۔