وفاقی کابینہ کا رویت ہلال کے حوالے سے بڑا فیصلہ

تفصیلات کے مطابق  وفاقی کابینہ نے وزارت مذہبی امور کے تین بلوں کی منظوری دے دی،  رویت ہلال کمیٹی 2020 ،مسلم خاندانی قوانین بل 2020 ، طباعت قرآن کریم ترمیمی بل کی منظوری دے دی گئی۔نجی رویت کے اوپر 5 لاکھ روپے جرمانہ اور قید ہوگی۔وفاقی کابینہ نے زیارات پالیسی کی بھی کابینہ نے منظوری دے دی۔

جی این این کے مطابق مرکزی رویت ہلال کمیٹی کے فیصلے پر پورے پاکستان میں عملدرآمد کروایا جائے گا، رویت ہلال کمیٹی کے فیصلے سے قبل ٹی وی چینلز خبر نشر نہیں کریں گے۔خبر نشر کرنے پر ٹی وی چینلز کو جرمانہ بھی ہوگا۔طباعت قرآن میں معیاری پیپر اور قرآن بورڈ بنایا جائے گا، غیر معیاری طباعت قرآن پر جرمانے اور سزائیں ہوں گی۔وزارت مذہبی امور کے تینوں بل جلد کابینہ میں پیش ہوں گے۔

یاد رہے کہ 30 دسمبر 2020کو  وفاقی حکومت نے رویت ہلال کمیٹی کے چیئرمین مفتی منیب الرحمٰن کو عہدے سے ہٹا کر بادشاہی مسجد لاہور کے مہتمم مولانا عبدالخبیر آزاد کو کمیٹی کا نیا چیئرمین مقرر کردیا تھا۔