حماس نے 24 یرغمالیوں جبکہ اسرائیل نے اپنی جیلوں میں قید 39 فلسطینی بچوں اور خواتین کو آزاد کردیا

غزہ: مقبوضہ فلسطین کی مزاحمتی تنظیم حماس نے 24 یرغمالیوں کو رہا کردیا جبکہ جواب میں اسرائیل نے اپنی جیلوں میں قید 39 فلسطینی بچوں اور خواتین کو آزاد کردیا۔

ترجمان قطری وزارت خارجہ کے مطابق اسرائیلی جیل سے 39 فلسطینی رہا ہوگئے، جن میں 24 خواتین اور 15 کم عمر قیدی شامل ہیں، جبکہ حماس نے 24 قیدیوں کو رہا کردیا، جن میں 13 اسرائیلی،تھائی لینڈ کے 10 اور فلپائن کا ایک شہری بھی شامل ہیں۔

حماس اسرائیل 4 روزہ جنگ بندی معاہدے کے تحت اسرائیلی قید سے رہا ہونے والی فلسطینی خاتون اپنے پیاروں کے پاس پہنچ گئی۔

“The moment the liberated prisoner Marah Bakir from Jerusalem met her family after her release in the resistance deal.”#GazaGenocide #Gaza #غزة_تنتصرpic.twitter.com/SJIqBzl6su

— The Muslim (@TheMuslim786) November 24, 2023

غیر ملکی میڈیا رپورٹس کے مطابق دو طرفہ جنگ بندی معاہدے کے بعد 24 سالہ مارہ صیہونی قید سے رہا ہونے والی پہلی فلسطینی خاتون ہیں، مارہ کے گھر پہنچنے پر جذباتی مناظر دیکھنے میں آئے، والدہ رہا بیٹی کو دیکھ کر خوشی سے آبدیدہ ہو گئیں۔

Gaza
Today the videos of the release of these innocent prisoners from Israeli jails have justified Hamas forever in history. Laying down thousands of lives to recover one unjust prisoner is a cost worth paying. pic.twitter.com/UMS26RCRIo

— Bharwana (@pain___killer) November 24, 2023

دوسری جانب حزب اللہ نےعارضی جنگ بندی معاہدے کی پاسداری کا فیصلہ کرتے ہوئے کہا ہے ہم اس معاہدے کا حصہ نہیں لیکن اس کا احترام کریں گے، اورعارضی جنگ بندی کے دوران حزب اللہ کوئی کارروائی نہیں کرے گی۔

خزب اللہ نے کہا ہے کہ مزید سویلین قیدیوں کی رہائی پر بات چیت کے لیے تیار ہیں،مذاکرات جاری رہے تو تمام سویلین قیدی رہا ہوسکتے ہیں،فوجی قیدیوں کے بدلے تمام فلسطینی قیدیوں کو رہا کرنا ہوگا۔