شیخوپورہ سے اسلام آباد آئی بس حادثے کا شکار ،طالبہ جاں بحق

وفاقی دارالحکومت اسلام آباد  کے قریب تھانہ بھارہ کہو کے علاقہ شاہدرہ میں تفریح کیلئے شیخوپورہ سے طلبہ و طالبات کی آنےوالی بس45 فٹ گہری کھائی میں گر گئی۔

ایک طالبہ موقع پر جاں بحق ہوگئی جبکہ 18 طلبہ وطالبات زخمی ہوگئے، 4 کی حالت تشویشناک بتائی جارہی ہے۔زخمیوں کو پولی کلینک اور پمز ھسپتال میں منتقل کیا گیا۔پولیس ترجمان کا کہنا ہے کہ حادثہ ڈرائیور کی غفلت کے باعث پیش آیا۔

اسلام آبامیں شاہدرہ پکنگ پوائنٹ کے قریب سکول کے بچوں کی گاڑی کھائی میں گر گئی
#GNN #NewsUpdates #BreakingNews #GNN_Updates pic.twitter.com/Duk2I3quRP

— GNN (@gnnhdofficial) November 25, 2023

ڈرائیور نے چائے پینے کیلئے گاڑی کو ڈھلوان پر پارک کردیا جو لڑھکتی ہوئی نیچے 45 فٹ گہری کھائی میں گر گئی۔ڈرائیور خود وقوعہ کے بعد فرار ہو گیا جسے بعد میں پولیس نے گرفتار کرلیا۔واقعہ کی اطلاع ملتے ہی پولیس کی بھاری نفری اور امدادی ٹیمیں موقع پر پہنچ گئیں۔چیف کمشنر اور آئی جی اسلام آباد پولیس ڈاکٹر اکبر ناصر خاں نے پمز کا دورہ کیا اور زخمی طلبہ و طالبات کی عیادت کی۔

چیف کمشنر نے اس موقع پر زخمی بچوں کے بہتر علاج معالجہ کی ہدایات جاری کیں۔پولیس کے مطابق وقوعہ ڈرائیور کی غفلت اور لاپرواہی کی وجہ سے پیش آیا۔ایس ایس پی آپریشن نے گاڑی کے ڈرائیور اور عملے کی فوری گرفتاری کے احکامات جاری کیے۔ شاہدرہ حادثہ کے بس ڈرائیور جو حادثہ کے بعد فرار ہوگیا تھا کو پولیس نے بعد میں گرفتار کرلیا۔ڈرائیور کو تھانے منتقل کر کے قانونی کارروائی عمل میں لائی جارہی ہے۔