کراچی میں ڈکیتی مزاحمت پر فائرنگ سے ایک شخص زخمی

تفصیلات  کے مطابق لائٹ ہاؤس مولا جمعہ ہوٹل کے قریب   ڈکیتی مزاحمت پر فائرنگ سے ایک شخص زخمی ہوگیا ،  واقعے کی اطلاع ملتے ہی ریسکیواہلکار موقع پر پہنچ گئی، زخمی شخص کی شناخت 28 سالہ  کامران ولد فقیر محمد کے نام سے ہوئی ہے۔

 دوسری جانب  شہر قائد میں رمضان اور لاک ڈاؤن بھی اسٹریٹ کرائمز  کو نہ روک سکا،  ماہ رمضان میں ہونے والی وارداتوں کا ڈیٹا مرتب کرلیا گیا۔ ڈیٹا کے مطابق   29 روز میں 6 ہزار وارداتیں، 6 افراد قتل جبکہ 60 افراد کو زخمی کیا گیا۔  رپورٹ کے مطابق ڈکیتی مزاحمت پر ریٹائرڈ خاتون پروفیسر سمیت پولیس اہلکار کو بھی قتل کیا گیا جبکہ موٹرسائیکل چوری ہونے کی 3 ہزار 660 سے زائد وارداتیں ہوئی۔ کراچی میں  موبائل فون چھینے کی تقریبا 2 ہزار وارداتیں ریکارڈ کی گئی،  گاڑیاں موٹرسائیکل اسلحہ کے زور پر چھینے کی 287 وارداتیں ہوئیں جبکہ9 گاڑیاں چوری ہونے کی 119 وارداتیں ریکارڈ کی گئی ہیں۔