عوام پر پٹرول بم گرانے کی تیاری

تفصیلات کے مطابق حکومت نے جانب سے پٹرولیم مصنوعات کی نئی قیمتوں کااعلان آج کیا جائے گا ، ذرائع کا کہنا ہے کہ پٹرولیم مصنوعات کی نئی 15روزہ قیمتوں کااطلاق16مئی سے ہوناتھا لیکن عیدکی چھٹیوں کےباعث قیمتوں کی سمری تیارنہیں ہوسکی تھی۔پٹرولیم مصنوعات کی قیمتیں، اوگرا نے حکومت کوتجاویزارسال کردیں، ذرائع کے مطابق اوگرا نے پٹرولیم مصنوعات کی قیمتوں سے متعلق دوتجاویزدی ہیں، عالمی تناظرمیں پٹرولیم مصنوعات کی قیمتوں میں اضافہ کی تجویزدی گئی ہے۔

پٹرولیم لیوی کم کرکے قیمتیں برقراربھی رکھی جاسکتی ہیں، دوسری تجویز پٹرولیم مصنوعات کی قیمتوں میں 3 روپے 25 پیسے فی یونٹ تک اضافے کی تجویز دی گئی، پٹرول کی قیمت میں 1 روپے 25 پیسے فی لٹراضافے کی سفارش، جبکہ ڈیزل کی قیمت میں 3 روپے 25 پیسے فی لٹراضافے کی تجویزکی گئی ہے۔ 

ذرائع کا کہنا ہے کہ پٹرولیم مصنوعات کی نئی قیمتوں کااطلاق آج رات 12بجے سےہوگا۔

یاد رہے 30 اپریل کو وزیراعظم عمران خان نے اوگرا کی سفارش کو مسترد کرتے ہوئے پیٹرولیم مصنوعات کی قیمتیں برقرار رکھنے کا فیصلہ کیا تھا، آئل اینڈ گیس ریگولیٹری اتھارٹی (اوگرا) کی جانب سے پیٹرولیم مصنوعات کی قیمتوں میں 5 سے 10 روپے اضافے کی سفارش کی گئی تھی۔

حکومتی ترجمان کے مطابق پیٹرولیم مصنوعات کی قیمتیں برقرار رکھ کر حکومت 4.8 ارب روپےکا بوجھ عوام کی خاطر برداشت کررہی ہے۔

واضح رہے کہ اوگرا کی جانب سے ہر پندرہ روز کے لیے پیٹرولیم مصنوعات کی قیمتوں کے تعین کے لیے سمری وزارتِ خزانہ کو ارسال کی جاتی ہے، جس کی حتمی منظوری وزیراعظم عمران خان دیتے ہیں۔