جی این این سوشل

کھیل

سپورٹس بورڈکے زیر اہتمام پنجاب کی تمام تحصیلوں میں سپورٹس کلبزکی رجسٹریشن شروع

کلبزکی رجسٹریشن کروانے کیلئے آخری تاریخ 5 دسمبر مقرر کی گئی ہے

پر شائع ہوا

کی طرف سے

سپورٹس بورڈکے زیر اہتمام پنجاب کی تمام تحصیلوں میں سپورٹس کلبزکی رجسٹریشن شروع
جی این این میڈیا: نمائندہ تصویر

فیصل آباد: سپورٹس بورڈ پنجاب کے زیر اہتمام پنجاب بھر کی تمام تحصیلوں میں صوبہ کی تاریخ میں پہلی بار سپورٹس کلبز کی رجسٹریشن کا سلسلہ شروع کردیا ہے جس میں چند روز کے دوران ہزاروں کلبز کی رجسٹریشن عمل میں لائی جا چکی ہے اور جن کلبز نے ابھی تک رجسٹریشن نہیں کروائی ان کیلئے رجسٹریشن فارم جمع کروانے کی آخری تاریخ5 دسمبرمقرر کی گئی ہے۔

سپورٹس بورڈ پنجاب کے ترجمان نے بتایا کہ بورڈ کے آئین کے آرٹیکل2(آر) کے تحت تمام کلبز کا سپورٹس بورڈ پنجاب کے ساتھ رجسٹر ہونا لازمی ہے لہٰذا تمام ضلعی اور تحصیل لیول کے کلبز گورنمنٹ کی گرانٹس کی فراہمی،باقاعدگی کے ساتھ ٹرائلز اور مقابلوں،کھلاڑیوں کیلئے وظائف، انعامات اور کھیلوں کے میدان و دیگر سہولیات کی مفت فراہمی کیلئے فوری اپنی رجسٹریشن کو یقینی بنائیں۔

انہوں نے کہا کہ کلبزکی رجسٹریشن کا فارم اور سپورٹس گیمز کی مکمل تفصیلات سپورٹس بورڈ پنجاب کی ویب سائٹ sportsboard.punjab.gov.pk اور متعلقہ تحصیل سپورٹس آفیسرز کے دفاتر سے حاصل کی جا سکتے ہیں۔ یاد رہے کہ کلبزکی رجسٹریشن کروانے کیلئے آخری تاریخ 5 دسمبر مقرر کی گئی ہے جس کے بعد کوئی فارم قبول نہیں کیا جا ئے گا۔

پاکستان

پاکستان منرل ڈویلپمنٹ کارپوریشن اور امریکی فرم کے درمیان ہمالیائی نمک کے معاہدے پر دستخط

خصوصی سرمایہ کاری سہولت کونسل کا براہ راست غیر ملکی سرمایہ کاری کیلئے سازگار ماحول پیدا کرنے میں اہم کردار ہے، نگران وزیر اعظم

پر شائع ہوا

ویب ڈیسک

کی طرف سے

پاکستان منرل ڈویلپمنٹ کارپوریشن اور امریکی فرم   کے درمیان ہمالیائی نمک کے معاہدے پر دستخط

وزارت توانائی کے زیراہتمام پاکستان منرل ڈویلپمنٹ کارپوریشن اور امریکی فرم کے درمیان ہمالیائی نمک کی قدر میں اضافے اور برآمد کے مشترکہ منصوبے کے معاہدے پر دستخط کیے گئے۔

نگران وزیراعظم انوار الحق کاکڑ نے ملک کی معاشی ترقی کیلئے مختلف شعبوں میں غیر ملکی سرمایہ کاروں کو بھرپور تعاون کی یقین دہانی کراتے ہوئے کہا ہے کہ خصوصی سرمایہ کاری سہولت کونسل کا براہ راست غیر ملکی سرمایہ کاری کیلئے سازگار ماحول پیدا کرنے میں اہم کردار ہے، نمک کی کان کنی کے شعبہ میں امریکی کمپنی کی 200 ملین ڈالر کی سرمایہ کاری حکومت کی اقتصادی پالیسیوں پر اعتماد کی عکاس ہے، انسانی اور قدرتی وسائل پاکستان کو مستحکم، خوشحال اور ابھرتا ہوا ملک بنائیں گے۔

نگراں وزیر اعظم کا کہنا ہے کہ پاکستان انتظامی امور اور معاشی بحران کے حل کیلئے موثر اقدامات کررہا ہے، کھیوڑہ کی مصنوعات کو دنیا میں متعارف کروا رہے ہیں، نمک کی قدر میں اضافے سے برآمد بڑھے گی۔امریکا ہمارا تجارتی شراکت دار ہے، دونوں ممالک میں دوطرفہ تجارت کے فروغ سے معیشت مضبوط ہوگی، پاکستان کی مائنز کے شعبہ میں کارکردکی حوصلہ افزا ہے۔

انوارالحق کاکڑ کا کہنا تھا کہ پاکستان وسائل سے مالا مال ملک ہے، یہاں شعبہ آئی ٹی، معدنیات اور دیگر شعبوں میں سرمایہ کاری کے وسیع مواقع موجود ہیں، بیرونی سرمایہ کاری سے شعبہ معدنیات میں اصلاحات لا رہے ہیں۔ایس آئی ایف سی کان کنی، آئی ٹی، زراعت، لائیو اسٹاک پر کام کررہی ہے، ایس آئی ایف سی سرمایہ کاروں کیلئے ون ونڈو آپریشن مہیا کر رہی ہے، پاکستان سرمایہ کاروں کیلئے آسانیاں پیدا کر رہا ہے۔

انہوں نے کہا کہ کھیوڑہ کی معیاری مصنوعات کو دنیا میں متعارف کرا رہے ہیں، عالمی سطح پر سرمایہ کاری سے مقامی افراد کو روزگار ملے گا۔

پڑھنا جاری رکھیں

صحت

پنجاب میں نمونیا سے مزید 13 بچے جاں بحق ہوگئے

پنجاب میں گزشتہ 24 گھنٹوں کے دوران نمونیا کے مزید 304 کیسز رپورٹ ہوئے ہیں

پر شائع ہوا

ویب ڈیسک

کی طرف سے

پنجاب میں نمونیا سے مزید 13 بچے جاں بحق ہوگئے

لاہور: پنجاب میں نمونیا سے بچوں کی اموات کا سلسلہ نہ رک سکا، نمونیا سے مزید 13 بچے جاں بحق ہوگئے۔

محکمہ صحت کے مطابق پنجاب میں گزشتہ 24 گھنٹوں کے دوران نمونیا کے مزید 304 کیسز سامنے آئے ہیں، رواں سال اب تک 29 ہزار 603 بچے نمونیا کا شکار ہو چکے ہیں جن میں سے 405 بچے جان کی بازی ہار چکے ہیں۔

محکمہ صحت کے حکام کا کہنا ہے کہ لاہور میں گزشتہ 24 گھنٹوں کے دوران دو بچے جان کی بازی ہار گئے۔

اس کے علاوہ پنجاب میں نمونیا کے 25073 کیسز رپورٹ ہوئے ہیں جن میں لاہور میں 5334 کیسز شامل ہیں۔

پڑھنا جاری رکھیں

پاکستان

مخصوص نشستوں کے امیدواروں کے گوشوارے جمع کرانے کا آخری دن

ریٹرن جمع کرانے میں ناکامی کے نتیجے میں امیدوار کو کامیابی کی اطلاع نہیں ملے گی

پر شائع ہوا

ویب ڈیسک

کی طرف سے

مخصوص نشستوں کے امیدواروں کے گوشوارے جمع کرانے کا آخری دن

اسلام آباد: مخصوص نشستوں کے امیدواروں کے لیے گوشوارے جمع کرانے کا آج (بدھ) آخری دن ہے۔ جن امیدواروں نے گوشوارے جمع نہیں کرائے ان کی کامیابی کا نوٹیفکیشن جاری نہیں کیا جائے گا۔

الیکشن کمیشن آف پاکستان (ای سی پی) کے مطابق فارم 33 میں نامزد قومی اور صوبائی اسمبلیوں کے امیدوار اپنے گوشوارے جمع کرائیں۔ ریٹرن جمع کرانے میں ناکامی کے نتیجے میں امیدوار کو کامیابی کی اطلاع نہیں ملے گی۔

واضح رہے کہ پاکستان تحریک انصاف (پی ٹی آئی) کے حمایت یافتہ 82 اراکین قومی اسمبلی (ایم این اے) نے قومی اسمبلی کی مخصوص نشستوں کے حصول کو یقینی بنانے کے لیے سنی اتحاد کونسل میں شمولیت اختیار کر لی ہے۔

پی ٹی آئی کے سندھ سے نو آزاد اراکین صوبائی اسمبلی (ایم پی اے) نے بھی سنی اتحاد کونسل میں شمولیت اختیار کر لی ہے۔

سنی اتحاد کونسل کے سربراہ صاحبزادہ حامد رضا نے ایم این ایز کی فہرست اور حلف نامے الیکشن کمیشن میں جمع کرادیے۔

پڑھنا جاری رکھیں

ٹرینڈنگ

Take a poll