پاکستان اور چین کا فوجی تعلقات کو فروغ دینے پر غور

پاکستان اور چین نے دونوں ملکوں کی بحری افواج کے درمیان باہمی تبادلوں میں اضافے اور تعلقات کے فروغ پر اتفاق کیا ہے۔

یہ اتفاق رائے پاکستان اور چین کے درمیان بحری امور پر مذاکرات کے چوتھے دور کے دوران اسلام آباد میں ہوا۔

مذاکرات کے دوران بحری امور میں دوطرفہ تعاون کے مکمل فروغ پر تفصیلاً تبادلہ خیال کیا گیا۔

فریقین نے آزمائش کی ہر گھڑی پر پورا اترنے والی پاکستان اور چین کی دوستی اور سدابہار دوطرفہ تذویراتی شراکت داری پر اطمینان کا اظہار کیا۔

فریقین نے اس بات پر اتفاق کیا کہ دفاعی مذاکرات کا پانچواں دور اگلے سال چین میں ہو گا۔