سعودی عرب میں منی لانڈرنگ ،جعلسازی اور رشوت کے الزام میں 146 افراد گرفتار

ریاض: سعودی کنٹرول اینڈ اینٹی کرپشن کمیشن (نزاھۃ) نے کہا ہے کہ جعلسازی، منی لانڈرنگ، اثر و نفوذ کے ناجائز استعمال اور رشوت کے الزام میں 146 ملزمان کو حراست میں لیا گیا ہے۔

سعودی اخبار کے مطابق نزاھۃ کی جانب سے جاری بیان میں کہا گیا ہے کہ نومبر 2023 کے دوران 341 مشکوک افراد کے ساتھ پوچھ گچھ کی گئی ہے۔

بیان میں کہا کہ جن عہدیداروں حراست میں لیا گیا ان کا تعلق داخلہ، انصاف، صحت، تعلیم، بلدیات و دیہی و آباد کاری امور اور زراعت کی وزاتوں سے ہے۔ نزاھہ نے کہا کہ فوجداری قانون کے تحت 146 افراد کو حراست میں لیا گیا ان میں سے بعض کو ضمانت پر رہا کردیا گیا ہے۔

زیرحراست افراد پر رشوت، اثر و نفوذ کے ناجائز استعمال، منی لانڈرنگ اور جعلسازی کے الزامات ہیں۔ پوچھ گچھ مکمل ہونے پر انہیں عدالت کے حوالے کیا جائےگا۔