ڈیفینس کار ٹکرسے 6افراد کی ہلاکت ، کم عمر ملزم کا 14روزہ ریمانڈ منظور

لاہور : لاہور کے علاقہ ڈیفینس میں کم عمر ڈرائیور کی کار سے ٹکر کا کیس جس میں ملزم کوعدالت میں پیش کیا گیا ۔

یاد رہے کہ کار کی ٹکر سے چھ افراد ہلاک ہو گئے تھے ، انسداد دہشت گردی عدالت نے کم عمر ملزم کو14 روزہ جوڈیشل  ریمانڈ پر جیل بھیج دیا ۔

عدالت نے کم عمر ملزم سے استفسار کیا کہ آپکو ہتھکڑی تو نہیں لگائی تھی ؟ عدالت نے پولیس کی مزید جسمانی ریمانڈ کی استدعا مسترد کر دی ۔

پولیس تفتیشی افسر نے عدالت کو بتا یا کہ ملزم کی جسمانی ٹیسٹ ہو چکے ہیں لیکن ابھی ان کی رپورٹس موصول نہیں ہوئیں ، تفتیشی افسر نے عدالت سے استفسار کیا کہ کیس کی تفتیش مکمل نہیں ہو ئی لہذٰا جسمانی ریمانڈ دیا جائے ، عدالت نے 14 روزہ جوڈیشل ریمانڈ کے بعد مزید جسمانی ریمانڈ کی استدعا مسترد کردی ۔